Vıdeodan alynǵan
Polısııa málimetinshe, 29 tamyzda jedel is-shara barysynda Qaraǵandy oblysynyń krımınaldyq polısııa qyzmetkerleri IIM úılestirýimen úsh adamnan quralǵan brakonerlik qylmystyq topty ustady. Olar kıikterdi zańsyz aýlap, múıizderin satý maqsatynda jınaǵan. Kúdiktilerden salmaǵy shamamen 400 keli bolatyn 1 127 kıik múıizi, sondaı-aq eki tegis uńǵyly myltyq tárkilendi.
Ustalǵan adamdar men olardyń baılanystaryn odan ári tekserý barysynda 24 jeltoqsanda Pavlodar oblysy aýmaǵynda Reseı Federasııasymen shekarada taǵy bir brakonerlik top qolǵa tústi. Bul top eki adamnan turǵan, olardyń biri shetel azamaty. Atalǵan tulǵalar júk kóliginde arnaıy jasalǵan jasyryn orynǵa aldyn ala tyǵyp, 1 882 kıik múıizin memlekettik shekara arqyly zańsyz alyp ótpek bolǵan.
Atalǵan faktiler boıynsha qylmystyq is qozǵalyp, tergeý amaldary júrgizilip jatyr.
