Bul aqparatty AQSh-tyń NBC News telearnasy taratty. Nıkolas Madýro tómengi federaldy sotqa jergilikti ýaqytpen túski saǵat 12:00-de, Astana ýaqytymen 22:00-de jetkiziledi. Isti federaldy sýdıa Elvın K. Hellershteın qaraıdy.
Al CBS News málimetine qaraǵanda, sot otyrysyna Venesýela prezıdentiniń jubaıy Sılııa Flores te qatyspaq.
Eske sala keteıik, jeksenbi kúni Madýro Nıý-Iorktegi Brýklın qalasyndaǵy tergeý ızolıatoryna qamalǵan.
Buǵan deıin AQSh Venesýela aýmaǵynda arnaıy operasııa júrgizip, el astanasy Karakasta prezıdent pen onyń jubaıyn ustaǵan edi. Osyǵan baılanysty AQSh prezıdenti Donald Tramp Monro doktrınasyn eske salyp, Amerıkalyq qurlyqtyń ózge derjavalardyń aralasýyna jabyq aımaq ekenin málimdedi. Sonymen birge ol AQSh-qa qarsy áreket etetin kúshterge Venesýeladaǵydaı qatań shara qoldanylýy múmkin ekenin eskertti.
Al dúısenbi, 5 qańtar kúni BUU Qaýipsizdik Keńesi Venesýeladaǵy ahýalǵa baılanysty shuǵyl otyrys ótkizedi.
