Foto: canva
Kúdikti 2024-2025 jyldary Tarazda ózin kommersııalyq uıymnyń qyzmetkerimin dep tanystyryp, qarajatty ınvestısııalaý arqyly joǵary tabysqa ýáde berip, azamattardy ártúrli taýarlardy kóterme satyp alý jáne keıinnen satý boıynsha birlesken kásippen aınalysýǵa shaqyrǵan.
Alaıda ol óz mindettemelerin oryndamaı, alǵan aqshasyn jymqyryp, qajettiligine jumsaǵan.
«Onyń qylmystyq áreketteri nátıjesinde Qazaqstannyń 6 azamatyna jalpy 100 mln teńgeden astam zalal keltirilgen. Qylmys jasaǵannan keıin ol jasyrynyp, oǵan halyqaralyq izdeý jarııalanǵan», delingen Bas prokýratýranyń habarlamasynda.
Qazirgi ýaqytta kúdikti tergeý ızolıatoryna qamaýǵa alyndy.
Aıyptalǵan qylmysty jasaǵany úshin múlki tárkilenip, 5 jyldan 10 jylǵa deıin bas bostandyǵynan aıyrý jazasy qarastyrylǵan.
