Foto: t.me/RKadyrov_95
Ahmat buǵan deıin eldiń dene shynyqtyrý jáne sport mınıstrligin basqarǵan. Endi bul mindetin jańa laýazymymen qosa atqarady.
Sondaı-aq Sheshenstan premer-mınıstriniń orynbasary mindetin atqarýshy bolyp aımaqtyq ulttyq saıasat, syrtqy baılanystar, baspasóz jáne aqparat mınıstri Ahmed Dýdaev taǵaıyndaldy.
Ramzan Qadyrov jańa qyzmetke taǵaıyndalǵan eki azamattyń da basqarý isinde tájirıbesi tolysqanyn atap ótti.
«Olar qyzmet barysynda respýblıkanyń áleýmettik-ekonomıkalyq salalaryn damytýǵa zor úles qosty. Ahmat Qadyrov pen Ahmed Dýdaev ózderine júktelgen mindetterdi joǵary deńgeıde atqaratynyna senimdimin», dep jazdy Sheshenstan basshysy Telegram arnasynda.
Aıta keteıik, Ramzan Qadyrovtyń týystary men balalary Sheshenstandaǵy mańyzdy qyzmetterge turaqty túrde taǵaıyndalyp, joǵary aımaqtyq marapattarǵa ıe bolyp júr.
Dese de onyń Aıshat esimdi úlken qyzy respýblıka premer-mınıstriniń orynbasary qyzmetinen ketý týraly sheshim qabyldaǵan bolatyn. Aıshat bul sheshimine túsinikteme berip, qyzmettiń «myqty tulǵaǵa» arnalǵanyn aıtqan.
