Foto: Májilistiń baspasóz qyzmeti
Polıgon Baıandy aýylynan ońtústik-batysqa qaraı 2,5 km jerde, Aqtaý halyqaralyq áýejaıynan 21 km tusta ornalasqan. Jobalyq aýmaǵy – 25 gektar, esepti paıdalaný merzimi – 30 jyl. Qazirgi tańda jeke kásipkerlerdiń jumysy esebinen polıgonǵa túsetin qaldyqtyń shamamen 40 paıyzy qaıta óńdeýge jiberiledi. Májilistiń Ekologııa máseleleri jáne tabıǵatty paıdalaný komıtetiniń tóraǵasy bul sharalardyń ózi de májbúrli sıpatta ekenin jáne tolyqqandy qaıta óńdeý júıesin almastyra almaıtynyn atap ótti.
Edil Jańbyrshınniń aıtýynsha, depýtattardyń bastamasymen Májiliste ekologııa máselelerine qatysty túzetýler ázirlenip jatyr.
«Jańa zań jobasy qaldyqtardy basqarý júıesin jetildirýge, qaıta óńdeýge arnalǵan ekonomıkalyq yntalandyrý tetikterin engizýge jáne ýtıl tólemderine qatysty tásilderdi qaıta qaraýǵa baǵyttalǵan. Ekologııa – abstraktili taqyryp emes. Prezıdent «Turkistan» gazetinde jarııalanǵan suhbatynda aıtqandaı, tazalyq bizdiń ulttyq mentalıtetimizdiń ózegine aınalýǵa tıis. Sol úshin de bizdiń partııamyz ekologııa máselesine erekshe kóńil bóledi. «Taza beısenbi» partııalyq aksııasy aıasynda eki jylǵa jetpeıtin ýaqytta el boıynsha 190 myń tonnadan astam qoqys jınaldy», dedi depýtat.
Depýtat Mańǵystaý oblysynda qaldyqtardy basqarý máselesi jalpy alǵanda áli de ótkir problemalardyń biri bolyp otyrǵanyn atap ótti. Onyń aıtýynsha, aımaqtyń klımattyq erekshelikterin, qurylys tyǵyzdyǵyn jáne kóshi-qon ósimin eskere otyryp, qoqysty suryptaý men qaıta óńdeýdi damytý polıgondar tolyp ketkennen keıin emes, zańnamalyq ózgeristermen qatar júrýge tıis.
Bir kún buryn Edil Jańbyrshın jergilikti máslıhattardyń tóraǵalarymen jáne depýtattarymen kezdesý ótkizdi. Kezdesý barysynda ol Májiliste qabyldanǵan jáne ázirlenip jatqan, azamattardyń ómir sapasyn arttyrýǵa baǵyttalǵan zańdar týraly, sondaı-aq negizgi salalyq máseleler boıynsha júrgizilgen taldamalyq jáne monıtorıngtik jumystardyń nátıjeleri jóninde keńinen baıandady.
Aımaqtardy damytý, tirshilikti qamtamasyz etý nysandaryn – sý, jylý jáne gazben jabdyqtaýdy jańǵyrtý, energetıkalyq ınfraqurylymdy, sonyń ishinde Mańǵystaý atom energetıkalyq kombınatyn qoldaý máselelerine, sondaı-aq ekologııa, jer qoınaýyn paıdalaný, azyq-túlik qaýipsizdigi, densaýlyq saqtaý jáne bilim berý salalaryna erekshe nazar aýdaryldy. О́z kezeginde máslıhat depýtattary mektepter men joldardyń jaı-kúıinen bastap tarıhı murany saqtaý men ekologııalyq problemalardy sheshýge deıingi ózekti máselelerdi kóterdi.
Aıtylǵan barlyq máseleni depýtat jeke baqylaýyna aldy.
