Sottyń anyqtaýynsha, 2025 jylǵy 1 qarashaǵa qaraǵan túni sýdıa Ásel Dosaeva mas kúıinde kólik aıdaǵan. Medısınalyq kýálandyrý onyń jeńil deńgeıde mas bolǵanyn kórsetken. Sonymen qatar onyń júrgizýshi kýáliginiń merzimi ótip ketkeni belgili boldy. Kólik aıypturaqqa qoıyldy.
Alaıda sýdıany birden jaýapkershilikke tartý múmkin bolmaǵan. Isti qaraýdy bastaý úshin Bas prokýratýra prezıdentke usynys engizgen. Tek osydan keıin ǵana is sotqa joldandy.
Polısııa quqyq buzýshylyqty Ákimshilik quqyq buzýshylyq týraly kodeksiniń 608-babynyń 8-bóligi boıynsha – Kólik basqarý quqyǵynsyz mas kúıinde júrgizý retinde saralady. Ádette bul úshin ákimshilik qamaý qarastyrylady. Alaıda Dosaeva qamaýǵa alynǵan joq.
Astana sotynyń baspasóz qyzmetiniń habarlaýynsha, 14 jasqa deıingi balasy bar áıelderge ákimshilik qamaý qoldanylmaıdy. Dosaevanyń 2013 jyly týǵan balasy bar. Sot bul jaǵdaıda eń qatań jaza retinde aqshalaı aıyppuldy taǵaıyndady.
Qaýly ázirshe zańdy kúshine engen joq.
Ásel Dosaeva shamamen bir jyl buryn Mańǵystaý oblysynan Astanaǵa kóship barǵan. Ol jerde aýdandyq sotta jumys istegen.
