Qundy jádiger budan eki ǵasyr buryn 1834 jyly jarııalanyp, muqııat saqtalǵan. Kitaptyń qaǵazy qalyń ári muqabasynda tańba bar. Hıkmet arab-parsy tilderinde shaǵataı dástúrine saı jazylǵan. Jalpy sany 120 hıkmetten turady. Mura qazir «Áziret Sultan» ulttyq tarıhı-mádenı mýzeı-qoryǵy mekemesiniń qoryna ótipti.
Málimetti naqtylaı túsý úshin qoljazbaǵa ǵylymı saraptama jasaǵan maman «Iаsaýıtaný» ǵylymı ortalyǵynyń basshysy Saıpýlla Mollaqanaǵatulyna habarlasqanymyzda: «Tabylǵan kitap 120 hıkmetten turady. Onyń 39-y burynǵy Áziret Sultannyń burynǵy kitaptarynda jazylmaǵan tyń hıkmetter. Bul jádigerge biz aýyl turǵyny Erkin Saparovtyń bastamasymen qol jetkizdik. О́ıtkeni mura Erkin aqsaqaldyń týysy Túrkistan oblysy Saýran aýdanynyń turǵyny Álimjan Ramazanulynyń sandyǵynda saqtaýly eken. Bul shańyraqtan biz barlyǵy 17 qoljazba men sırek kitaptar aldyq. Sonyń biri – Qoja Ahmet Iаsaýıdiń hıkmetteri. Bundaı mura buryn-sońdy kezdespegen edi», dedi ol.
