Foto: Astana qalasy ákimdigi
Astanada ınfraqurylymdy damytý maqsatynda tirshilikti qamtamasyz etý nysandary qarqyndy salynyp jatyr. Buǵan deıin úshinshi aýyz sý stansııasy (SSS-3), gazben jumys isteıtin jylytý qondyrǵylary, elektrli qosalqy stansııasy salynyp, paıdalanýǵa berilgen. Jańa jylý kózderin iske qosý qaladaǵy jylý júıesiniń qýatyn 34%-ǵa arttyrǵan.
«Qazirgi jylytý maýsymy qalypty rejımde ótip jatyr. Mysaly, aýa temperatýrasy -20°S bolǵan jaǵdaıda jylý profısıti shamamen 1500 Gkal/saǵ quraıdy. Jylý qýatyn saqtaý maqsatynda 710 MVt qýatty jańa «Telman» gaz jylý stansııasyn salyp jatyrmyz. Jobanyń júzege asyrylýy nátıjesinde «Baǵystan» turǵyn úı kesheni, Telman eldi mekeni jáne Uly Dala dańǵyly aýdandary ortalyqtandyrylǵan jylýmen qamtamasyz etiledi. Tabıǵı gazdyń paıdalanylýy ekologııalyq jaǵdaıdy jaqsartyp, Telman aýdanyndaǵy aýanyń lastaný deńgeıin tómendetedi», dep jazdy Jeńis Qasymbek.
Bıbigúl Jeksenbaı: Astananyń bas josparynda turǵyndardyń pikiri eskerilý kerek
Búginde qaladaǵy JEO–2-ni keńeıtý boıynsha daıyndyq bastalyp, JEO–3-tiń ekinshi kezegin jobalaý jumysy júrip jatyr.
Buǵan deıin qala ákimdigi Astana turǵyndarynan aýlalaryn jańartýǵa ótinim qabyldaý bastalǵanyn habarlaǵan.
Eske salaıyq, aldaǵy demalys kúnderi Astanada aýyl sharýashylyǵy jármeńkesi ótedi.
