Ekonomıka • 09 Qańtar, 2026

Elimizde ıpoteka boıynsha paıyzdyq mólsherlemeni tómendetý ýaqytsha toqtatylady

20 ret

kórsetildi

1 mın

oqý úshin

Qarjy naryǵyn retteý jáne damytý agenttigi Ulttyq Banki birlesken qaýly qabyldady. Birlesken qaýlyǵa sáıkes 2025 jylǵy 1 qarashadan bastap 2026 jylǵy 1 shildege deıin ıpotekalyq turǵyn úı qaryzdary boıynsha jyldyq tıimdi syıaqy mólsherlemesin (JTSM) 25%-dan 20%-ǵa deıin tómendetý jónindegi normany toqtata turý josparlanyp otyr, dep jazady Egemen.kz.

Dana MYRZAQADIR

Elimizde ıpoteka boıynsha paıyzdyq mólsherlemeni tómendetý ýaqytsha toqtatylady

Foto: kzvesti.kz

Qarjy naryǵyn retteý jáne damytý agenttigi bul sheshimdi qabyldaýǵa negiz bolǵan sebepterge túsinikteme berdi.

«Bul sheshim qazirgi makroekonomıkalyq jaǵdaılardy eskere otyryp, ıpotekalyq kredıtterdiń qunyn retteýge saralanǵan tásildi qamtamasyz etý, halyq úshin qaryz qarajatynyń qoljetimdiligi men bank sektorynyń ornyqtylyǵy arasyndaǵy teńgerimdi qoldaý, sondaı-aq JTSM-di tómendetý týraly norma kúshine engenge deıin ıpotekalyq turǵyn úı qaryzyn alýǵa ótinim bergen azamattarǵa retteýshilik talaptardyń ózgerýine baılanysty ıpotekany teris sheshimsiz resimdeýge múmkindik berý maqsatynda qabyldandy», delingen agenttik taratqan habarlamada.

Kimdiki tıimdi: Bankterdiń ıpotekalyq ónimderine sholý

Birlesken qaýlynyń tolyq mátinimen Agenttiktiń resmı ınternet-resýrsynda tanysýǵa bolady.

Aıta keteıik, bıyl qoljetimdi bolýy múmkin ıpotekalyq baǵdarlamalar anyqtaldy.

Byltyr elimizde halyqtyń ıpotekaǵa suranysy tómendep, avtonesıege qyzyǵýshylyq artqan.