Foto: Aqorda
Biz kóptegen format aıasynda baılanys ornattyq. Mádenıet salasynda kelisimderimiz bar. Adamdar arasynda tyǵyz qarym-qatynas ornaǵan. Saýda-ekonomıkalyq yntymaqtastyǵymyz órkendeýde. Bul yqpaldastyqty keńeıte túskenimizge jáne qarym-qatynasymyzdy nyǵaıtyp jatqanymyzǵa qýanamyz. Is júzinde barlyq salada seriktespiz dep sanaımyn. Búginde bul yntymaqtastyǵymyz burynǵydan da jedel damyp keledi. Prezıdentter Qasym-Jomart Toqaev pen Donald Tramp ózara tyǵyz ári turaqty qarym-qatynas ornatqan. Prezıdent Toqaev qarasha aıynda Vashıngtonǵa saparmen bardy. Taıaýda ǵana Prezıdent Tramppen telefon arqyly áńgimelesti. Jýyrda Qurama Shtattarǵa taǵy da barmaq. Atalǵan qarym-qatynas aldaǵy ýaqytta da qarqyndy túrde damı beredi dep senemiz.
Álginde atap ótkenimdeı, Prezıdent Toqaev pen Tramp udaıy baılanysta, óte jıi dıalog qurady. Aldaǵy ýaqytta olar taǵy júzdesedi. Jańa ǵana Prezıdent Qasym-Jomart Toqaevpen kezdesip, ekijaqty baılanystardaǵy basym baǵyttardy talqyladyq.
Bul rette bizge Prezıdent Donald Tramp tolyq qoldaý kórsetedi. Eki memleket basshysynyń kómegimen ózara yntymaqtastyǵymyzdy keńeıtýge asa yqylastymyn. Qazaqstan Prezıdentimen jáne onyń janyndaǵy adamdarmen óte mazmundy, dostyq ráýishte kezdesý ótti. Sonymen qatar keshe Syrtqy ister mınıstrimen kelissóz júrgizdim. Aldymyzda kóptegen jumys kútip tur.
Memleket basshysy AQSh pen Bolgarııa elshilerinen senim gramotalaryn qabyldady
Qasym-Jomart Toqaevtyń jaqynda Vashıngtonǵa jasaǵan saparynyń qorytyndysyn saýda-ekonomıka, mádenıet, qorǵanys jáne gýmanıtarlyq salalardaǵy baılanysymyzdy nyǵaıtýǵa, eki el halqynyń arasyn jaqyndatýǵa qoldanýymyz qajet. Bul jumys qazirden bastalady.
Resmı qyzmetimnen bólek, otbasymmen birge osynaý tamasha elmen jete tanysqymyz keledi. Qazaqstan halqymen aralasyp, eldiń mádenıeti men tynys-tirshiligin jaqynnan bilýge nıettimiz. Osy elge kelgenimizge shyn júrekten qýanyshtymyz.
Djýlı Stafft,
AQSh elshisi