Vıdeodan alynǵan kadr
Onyń aıtýynsha, Iran halqynyń aıatolla Álı Hameneıge qoıatyn talaby bireý ǵana.
– Ol – «dıktator, eldi tastap ket». Máskeýde Bashar Asadtyń janynda saǵan oryn daıyn, sol jerde tura alasyń, – dedi Reza Pehlevı.
Sondaı-aq ol kóshege shyǵyp, rejımge qarsy kúresip jatqan ırandyqtardy maqtan tutatynyn aıtty. Reza Pehlevı energetıka, munaı, gaz jáne kólik salalarynda jumys isteıtin azamattardy ereýilge shyǵyp, halyqqa qosylýǵa shaqyrdy.
Irannyń rýhanı jetekshisi Máskeýge qashýdy josparlap otyr
Sonymen qatar ol AQSh bıliginiń Irandaǵy jaǵdaıdy baqylap otyrǵanyn málimdedi.
– AQSh prezıdenti narazylyq aksııalaryn muqııat qadaǵalap otyr jáne kúsh pen repressııa qoldanylǵan jaǵdaıda jaýap berýge ýáde berdi, – dedi Reza Pehlevı.
Taq murageriniń aıtýynsha, aldaǵy saǵattar sheshýshi kezeń bolýy múmkin.
Iranda ulttyq valıýtanyń quldyraýy jappaı narazylyqty kúsheıtti
– Irannyń erjúrek halqy búgin túnde múmkindiginshe kóshege kóptep shyǵýy kerek. Biz aıatolla rejımin qulatpaı toqtamaımyz.
Iran halqynyń talaby anyq, olar bul júıeni qalamaıdy. Tarıh halyqtyń kúsh-qýatyna esh nárse kedergi bola almaıtynyn talaı ret dáleldedi. Iran halqy búginde óz tarıhyn qaıta jazyp jatyr, – dedi Pehlevı.
Sóz sońynda ol ırandyq áskerı qyzmetkerlerge de úndeý jasady.
– Búgin búkil álem bizge qarap tur. Iran sarbazdaryn halyq jaǵyna shyǵýǵa shaqyramyn. Aldaǵy saǵattar sheshýshi bolady, – dedi ol.
Buǵan deıin habarlanǵandaı, Iranda jappaı narazylyqtarǵa baılanysty ınternetke shekteý qoıyldy.
