Garet Beılge óz jankúıerleri shabýyl jasady (vıdeo)

ASTANA. 24 naýryz. «Real» (Madrıd) fýtbol komandasynyń jartylaı qorǵaýshysy, ázirge álemdegi eń qymbat fýtbolshy Garet Beıldiń kóligine óz jankúıerleri shabýyl jasady. Oqıǵa jeksenbi kúngi «el klassıkodan» keıin bolǵan. Bul týraly lenta.ru habarlady. Atalǵan oıynda «Realdyń» «Barselonaǵa» 1:2 esebimen ese jibergeni belgili. Basty qarsylastarynan jeńilgenin kótere almaǵan jankúıerler sharasyzdan óz fýtbolshylaryna shabýyl jasady. Beıl oıynnan keıin óziniń Bentley markaly kóligine otyryp, stadıonnan shyqpaqshy bolǵanda bir top jankúıer oǵan lap qoıady. Tipti kóliginiń aldyna turyp, fýtbolshynyń ketýine kedergi jasaıdy. Alaıda, ol amalyn taýyp, jónine ketti. Fýtbolshynyń eshqandaı ún qatpastan ketip qalǵanyna yzalanǵan «koroldik» klýbtyń jankúıerleri «Realdyń» kelesi oıynshysyna tosqaýyl boldy. Bul joly olar shabýylshy Heseniń jolyn kes-kestedi. Sol kezde fýtbolshy kóliginiń áınegin túsirip, jankúıerlermen tildesti. Az-kem suhbattan keıin ony fýtbol fanattary jónine jiberdi. О́z jankúıerleriniń bul isin synǵa alǵan «Realdyń» vıse-kapıtany Serhıo Ramos: «Sizderge ne bolǵan? Bul isterińizdi durys dep sanaısyzdar ma?», – dep olarǵa istiń mán-jaıyn túsindirýge tyrysty. Garet Beıl 2013 jyldan bastap «Real» sapynda oınaıdy. Ol búginge deıin atalǵan komanda úshin 52 match ótkizip, 27 gol soqqan. «Koroldik klýb» fýtbolshyny Anglııanyń «Tottenheminen» 100 mıllıon eýroǵa satyp alǵan bolatyn. Ázirge bul kórsetkish álem boıynsha rekordty soma retinde tirkeýli tur. Elaman Qońyr Derek: lenta.ru. Sýret: prognozist.ru.