Oqıǵa • 15 Qańtar, 2026

Kúnine 150 jalǵan pasıent: Elordalyq klınıka basshysy qor qarjysyn qalaı jymqyrǵan?

50 ret

kórsetildi

1 mın

oqý úshin

Qarjylyq monıtorıng agenttiginiń Astana qalasy boıynsha departamenti prokýratýranyń úılestirýimen eki jekemenshik klınıkanyń basshysyna qatysty Áleýmettik medısınalyq saqtandyrý qorynyń qarajatyn jymqyrý faktisi boıynsha sotqa deıingi tergep-tekserý júrgizip jatyr. Kúdikti medısınalyq qyzmet almaǵan adamdardy júıege jalǵan tirkeý arqyly iri kólemde memleket qarjysyn ıemdengen, dep habarlaıdy Egemen.kz.

Qyrmyzy JUMAǴALIQYZY

Kúnine 150 jalǵan pasıent: Elordalyq klınıka basshysy qor qarjysyn qalaı jymqyrǵan?

Foto: istockphoto.com

2022 jyly qor men atalǵan klınıkalar arasynda jalpy somasy 2,4 mlrd teńgege medısınalyq qyzmet kórsetý týraly sharttar jasalǵan. Bul kelisimderdiń ishinde jyljymaly medısınalyq poıyz qyzmetteri de bolǵan.

«Jobany iske asyrý bastalǵannan keıin klınıkalar basshysy alaıaqtyq shema uıymdastyryp, medısınalyq kómekti is júzinde almaǵan pasıentter týraly aqparattyq júıege kórineý jalǵan málimetter engizgen. Atap aıtqanda, jalǵan dıagnozdar men kórsetilmegen qyzmetter tirkelgen. Kún saıyn jalǵan túrde tirkeletin pasıentter sany 90-nan 150 adamǵa deıin jetken», delingen habarlamada.

Osy zańsyz áreketterdiń nátıjesinde klınıkalar is júzinde oryndalmaǵan jumystar úshin qordan 682 mln teńge alǵan. 2024 jyldyń qańtarynda bul qarjynyń 364 mln teńgesi klınıka basshysy men onyń jubaıynyń jeke esepshottaryna aýdarylǵan.

Astanada jedel járdem stansııasynyń qyzmetkerleri jyldar boıy qarjy jymqyrǵan

Qazirgi tańda kúdikti qamaýǵa alynǵan. Sot sanksııasymen onyń Ispanııadaǵy qala syrtyndaǵy úıine, Astanadaǵy páterine jáne avtokóligine tyıym salyndy. Tergep-tekserý sharalary jalǵasyp jatyr.