Irannyń Azamattyq avıasııa uıymynyń málimetinshe, qazirgi ýaqytta áýe reısterin oryndaýǵa qatysty eshqandaı shekteý joq. Eldiń áýe keńistigi halyqaralyq tranzıttik reısterdi de, ushyp kelý jáne ushyp shyǵý reısterin de qabyldap otyr.
Jolaýshylarǵa áýejaıǵa barmas buryn óz reısteri týraly ózekti aqparatty 199 arnaıy anyqtama jelisi arqyly naqtylap alý usynylady.
Eske sala keteıik, buǵan deıin birqatar áýe kompanııalary, sonyń ishinde Air Astana, Iran áýe keńistiginiń jabylýyna baılanysty ushý baǵyttaryn ózgertken bolatyn.
Avıatasymaldaýshy sol kezde jolaýshylarǵa Sharm-el-Sheıh, Dýbaı, Doha jáne Medına baǵytyndaǵy reısterdiń Iran aýmaǵyn aınalyp ótetinin, sondaı-aq ushý jáne qoný ýaqytynyń ózgerýi múmkin ekenin eskertken edi.
Atyraýda FlyArystan ushaǵy jolaqtan shyǵyp ketti: 166 jolaýshy evakýasııalandy
Bul máselege qatysty FlyArystan áýe kompanııasy da málimdeme jasady. Tasymaldaýshynyń habarlaýynsha, Irannyń áýe keńistigindegi jaǵdaı 2026 jylǵy 17 qańtarǵa josparlanǵan eki reıske áser etken:
-
Atyraý – Doha
-
Aqtaý – Dýbaı
Kompanııa ókilderi qazirgi ýaqytta atalǵan reısterdi Iran áýe keńistigin aınalyp ótetin balamaly baǵyttarmen oryndaý múmkindikteri qarastyrylyp jatqanyn aıtty.
Jolaýshylarǵa reısterdiń ózekti mártebesin áýe kompanııasynyń resmı saıtynan nemese mobıldi qosymshasynan óz betinshe tekserý usynylady.
