Andjelına Djolı qaterli isikke qarsy ota jasatty

ASTANA. 24 naýryz. Belgili kınoaktrısa Andjelına Djolı ota arqyly analyq bezi men jatyr tútigin aldyryp tastady. Oǵan aktrısanyń atalǵan dene múshelerinen qaterli isiktiń paıda bolýy sebep bolǵan. Bul týraly interfax.by habarlady. Buǵan deıin dárigerler Djolıdiń analyq bezinen qaterli isikti anyqtap, em-dom jasaǵan bolatyn. Baqytyna oraı isik asa qaýip týdyrmady. Soǵan qaramastan ol ota jasatýǵa kelisimin berdi. Mundaı sheshim qabyldaýyna týǵandarynyń dál osyndaı qaterli isikpen aýyrǵany sebep boldy. Tipti sonyń saldarynan ájesi, anasy jáne ápkesi ómirden ótken eken. AQSh basylymdarynyń birine bergen suhbatynda 39 jastaǵy aktrısa: «Men qazir em-dom qabyldap júrmin. Dárigerler aldaǵy ýaqytta az-kem fızıkalyq ózgerister bolýy múmkin ekendigin aıtty. Eń ókinishtisi, men endi múldem bala kótere almaımyn», – dedi. Aıta keteıik, 2013 jyldyń mamyr aıynda Andjelına Djolı qaterli isiktiń aldyn alý maqsatynda sút bezine de ota jasatqan edi. Búginde ómirlik joldasy Bred Pıtt ekeýi alty bala tárbıelep otyr. Olardyń úsheýin aktrısa ózi ómirge ákelse, úsheýin erli-zaıyptylar asyrap alǵan. Elaman Qońyr. Derek: interfax.by. Sýret: dni.ru.