Balalar ádebıetiniń baǵbandary

Paneldik sessııa barysynda aqyn-ja­zýshylar men áde­bıet­tanýshylar búgingi balalar ádebıetiniń rýhanı keńistigin jańǵyrtý, damý baǵdaryn aıqyndaý, janrdaǵy jańa úrdisterge boılaý jóninde pikir almasyp, tyń ıdeıalardy ortaǵa saldy. Ádebıettiń mádenı jáne kreatıvti ındýs­trııamen toǵysatyn ózekti baǵyttary, balalar ádebıetiniń búgingi bolmysy men bolashaǵyn jańa qyrynan saralaý sekildi taqyryptardy talqylady.

Jıynda Balalar men jas­óspirimder ádebıeti janr­lyq keńesiniń keıingi bes aıda atqarylǵan jumys esebi tyń­daldy. Keńes tóraǵasy Eldos Toqtarbaı jas avtorlardy qoldaý, balalar ádebıetiniń sa­­palyq deń­geıin arttyrýǵa baǵyttalǵan bastamalar jaıyn­da baıandap, ádebı úderisti júıeli túrde monıtorıngteý máselelerine toqtaldy.

Sondaı-aq «Balalar ádebıe­tiniń baǵban­dary» serııasymen jaryq kórgen О́tepbergen Aqypbekuly, Toqash Berdııarov, Beıbit Qoıshybaev, Serikbaı Ospanuly, Nurdáýlet Aqysh jáne Beısebaı Kirisbaıulynyń estelik hám iltıpat-lebiz jı­­naqtary, sonymen qatar «Ba­lalar kitaphanasy» toptamasy aıasynda jaryq kórgen Qýandyq Túmenbaıdyń «Assalaýmaǵaleıkúm!» deıtin aýyl», Sáýle Dosjannyń «Maı­maq qyz», «Kók túrik» kitap­tary kópshilikke tanysty­ryldy. Buǵan qosa, balalar taqy­ry­bynda qalam terbep júrgen Dúısen Maǵlumuly, Baǵdat Má­jıt­uly, Ádına Jú­sip, Mıra Sembaıqyzy, Baǵdat Aıtmuhaeva, Er­jeńis Tastybaıuly, Jaqsylyq Mu­rat­bek Jazýshylar odaǵynyń mú­she­ligine qabyldandy. So­ńynda balalar ádebıetine úles qos­qan qalamgerlerge qurmet kórsetildi.