Buǵan deıin oıyndar tiziminde kókpardyń bolmaýy qoǵamda keńinen talqylanǵan edi.
«Týrızm jáne sport mınıstrligimen birlesip, Qyrǵyzstandyq áriptestermen talqylaı kele osyndaı sheshimge qol jetkizdik. Kókpar da, kók bóri de qazaq pen qyrǵyzdyń ulttyq bolmysyn aıqyndaıtyn negizgi sport túri. Bul - tek oıyn emes, urpaqtar sabaqtastyǵy, ortaq mádenı kod. Sondyqtan mundaı halyqaralyq jarystarda sport dostyq pen birliktiń kórinisine aınalýy kerek», dedi A.Qojanazarov.
Byltyr saıystardyń tizimi shyqqanda qazaqtyń kókpary Kóshpeliler oıyndary baǵdarlamasyna enbegen edi, tek kókbóri bolǵan. Bul basqa qatysýshy elder úshin de mańyzdy. Sebebi kókpar oıyny Qazaqstannan bólek oıynǵa keletin Mońǵolııa, О́zbekstan, Tájikstan, Aýǵanstan sııaqty birqatar elderde de keńinen taralǵan.
VI Dúnıejúzilik kóshpeliler oıyndary 2026 jylǵy 31 tamyz ben 6 qyrkúıek aralyǵynda Qyrǵyzstanda ótedi. Jarys baǵdarlamasyna 43 ulttyq sport túri bar. Etnosport alamanyna shamamen 100-ge jýyq elden sportshylar qatysady dep josparlanyp otyr.
Ulttyq sport túrleri: kókpar men qyz qýý álemde qalaı nasıhattalyp jatyr
