Foto: Aqorda
Talǵat Aldybergenov tarıftik júk aınalymy 10%-ǵa artyp, 289 mıllıard tonna-shaqyrymdy quraǵanyn aıtty. Tasymal kólemi 5,5%-ǵa ulǵaıyp, 320 mıllıon tonnaǵa deıin jetken. Eksporttyq tasymal 89 mıllıon tonnadan asty. Júk tranzıti 20%-dan astam ósip, 33 mıllıon tonna boldy.
Prezıdentke byltyr paıdalanýǵa berilgen Dostyq – Moıynty temir jolynyń ekinshi jelisi arqyly 6 mıllıon tonna nemese 100 myń vagonnan asa júk jetkizilgeni baıandaldy. Almaty beketin aınalyp ótetin temir joldaǵy tehnıkalyq qozǵalysqa ruqsat etildi.
Temirjol ınfraqurylymdaryn tartý jáne jańǵyrtý jumystary jalǵasyp jatyr. Jobalardyń jalpy uzyndyǵy 3900 shaqyrymdy quraıdy.
Jeke tulǵalar bankrottyǵy: Bankter qansha adamnyń bereshegin keshirdi?
Qasym-Jomart Toqaevqa kompanııa qyzmetinde qaýipsizdikti, tıimdilik pen ashyqtyqty qamtamasyz etý úshin jasandy ıntellektini engizý arqyly sıfrlyq jobalar júzege asyrylyp jatqany aıtyldy.
Tálimgerlik ınstıtýty jolǵa qoıylyp, jastar kadrlyq rezervi jasaqtalǵan.
Prezıdent áleýmettik máselelerdi sheshýdiń mańyzyn atap ótip, temirjolshylarǵa arnalǵan qoljetimdi turǵyn úı salý bastamasyn quptady.
2029 jylǵa deıin Qazaqstanda 11 myń shaqyrym temirjol jelisi jóndeledi
Memleket basshysy «Qazaqstan temir joly» UK» aksıonerlik qoǵamyn transformasııalaýdy jalǵastyrý, iri sheteldik kompanııalarmen yntymaqtastyqty nyǵaıtý, sıfrlyq sheshimderdi engizý, mýltımodaldyq logıstıkany damytý maqsatynda ınfraqurylymdardy keńeıtý jóninde tapsyrma berdi.
Eske salaıyq, búgin Memleket basshysy bank jáne qarjy naryǵyn retteý týraly eki zańǵa qol qoıdy.
