Foto: basylym betinen skrınshot
Basylymdaǵy maqalada Almaty qysqy ári belsendi týrızmge arnalǵan ınfraqurylymy damyǵan Insbrýk (Avstrııa), Grenobl (Fransııa) jáne Zalsbýrg (Avstrııa) syndy tanymal baǵyttarmen qatar usynylǵan.
Astanalyq oqýshynyń essesi The New York Times basylymynda jarııalandy
Materıal Viajar jýrnaly ókilderiniń Almatyǵa jasaǵan saparynyń nátıjesinde ázirlengen. Atalǵan sapar Almaty Tourism Bureau qoldaýymen uıymdastyrylyp, qonaqtarǵa qalanyń basty týrıstik nysandary, tabıǵı kelbeti men mádenı kórikti jerleri kórsetilgen.
Ásirese, Shymbulaq taý shańǵy kýrortyna erekshe nazar aýdarylǵan. Mundaǵy aspaly jol qonaqtardy teńiz deńgeıinen 3 myń metrden astam bıiktikke kóterse, álemdegi eń bıik taýly ashyq muz aıdyny ornalasqan Medeý kesheni de tamsandyrdy. Aspaly jolmen joǵary kóterilý umytylmas áser syılasa, qalanyń baı mádenı jáne gastronomııalyq ómiri Almatyny saıahatshylar úshin burynǵydan da tartymdy ete túsedi.
1978 jyly qurylǵan Viajar jýrnaly Ispanııadaǵy eń bedeldi týrıstik basylymdardyń biri sanalady. Saıahatshylarǵa arnalǵan basylym mádenı, belsendi ári tanymdyq týrızmge basymdyq beredi. Almaty týraly maqala qalaǵa halyqaralyq deńgeıdegi qyzyǵýshylyqty arttyryp, ony jyl boıy saıahattaýǵa qolaıly týrıstik baǵyt retindegi mártebesin nyǵaıta tústi.
