Foto: Ashyq derekkózden
«Kúni keshe Memleket basshysy Ulttyq quryltaıdyń tarıhı mıssııasyn qorytyndylap, memleket pen halqymyzdyń bolashaǵyn aıqyndaıtyn zor mindetter júktedi. Aldymen, bul mán-mańyzy jaǵynan jańa Ata zań qabyldaýmen birdeı konstıtýsııalyq ózgeristerdiń aıasynda ǵana emes, jalpy Táýelsizdik tuǵyryn odan ári nyǵaıtýdy kózdeıtin tarıhı beles», dedi Aıda Balaeva.
Vıse-premer Prezıdent aıqyndap bergen «Zań jáne tártip», «Adal azamat», «Taza Qazaqstan» bastamalary boıynsha júıeli jumystar jalǵasatynyn atap ótti.
Polısııa Memlekettik tý men jol tártibi máselesin túsindirdi
Sondaı-aq memlekettik rámizderdi, rýhanı-adamgershilik, otbasy qundylyqtardy nasıhattaýǵa arnalǵan aqparattyq-túsindirý jumystary kúsheıtiledi. Mádenıet jáne aqparat mınıstrligi zańdy jáne jeke tulǵalar úshin memlekettik rámizderdi qoldaný tártibin egjeı-tegjeıli retteýge qatysty jumys júrgizedi. Sondaı-aq normatıvtik aktilerge qajetti ózgerister engizilip, kórneki nusqaýlyqtar daıyndalady.
Memleket basshysynyń tapsyrmasy aıasynda memlekettik rámizderge erekshe qurmet kórsetetin azamattardy qosymsha yntalandyrý sharalary ázirlenedi.
Quryltaıda tarıhı-mádenı muralarymyzdy IýNESKO deńgeıinde nasıhattaý máselesi de atap ótildi. Prezıdent buǵan deıingi Ulttyq quryltaı otyrystarynda bul máselege erekshe nazar aýdaryp, naqty tapsyrmalar berdi. Memleket basshysy tapsyrmasymen Jarkent meshiti men Voznesensk soboryn biriktiretin nomınasııa, Qarataý jotasyndaǵy petroglıfterdi IýNESKO-nyń Búkilálemdik muralar tizimine engizý maqsatynda tıisti jumystar atqarylady. «Abaıdyń qara sózderi» IýNESKO-nyń «Álem jady» tizimine engizý úshin tıisti qujattar saraptamalyq baǵalaýǵa joldandy.
