«2026 jyly oblys turǵyndary úshin 261 kvota bólindi. Al ótken jyly berilgen 203 kvota tolyqtaı ıgerildi», deıdi oblystyq aýrýhanaǵa qarasty «Áıelderge keńes» bóliminiń mamany Ásel Faızýllına.
Qazir ekstrakorporaldy uryqtandyrý úderisteriniń 20%-y ǵana oń nátıje bergen. Alaıda naqty nátıjeniń jyl ortasyna qaraı belgili bolatynyn aıtqan mamandar jasandy jolmen sábıli bolǵysy keletinderdiń shamamen 40%-y perzent súıýi múmkin dep boljap otyr.
Atyraýda «Ańsaǵan sábı» baǵdarlamasymen 467 áıel sábı súıdi
«Qazir kezekte turǵandar sany birshama azaıyp qaldy. Byltyr kezekke 400-ge jýyq adam tirkelgen edi. Bıyl kezekte turǵandardyń sany – 300-diń shamasynda ǵana. Atalǵan baǵdarlamaǵa qatysqan kóptegen áıelder búginde ana atanyp, bala tárbıelep otyr», deıdi Á.Faızýllına.
Mamannyń aıtýynsha, 2021–2025 jyldar aralyǵynda óńirge 1 184 kvota bólingen. Nátıjesinde 391 áıel náresteli bolǵan.
