Urpaqtar úndestigi

Joba bastamashysy – elordalyq teatrdyń solıst-kon­sertmeısteri, Qazaqstannyń eńbek sińirgen qaıratkeri Aısulý Báıkenova. Onyń aıtýynsha, bul mádenı is-sharanyń maqsaty – belgili ónerpazdar men jas talanttar arasynda altyn kópir bolyp, aıtýly sheberlerdiń tájirıbesin jastarǵa sińirý.

– Kásibı mýzykanttar men jas oryndaýshylardyń birlesken konsertin ótkizý kópten oıymda júrdi. О́ıtkeni bul – ónerdiń damýy úshin asa mańyzdy. Ádette, óner maı­talmandarynyń jeke konserti men shyǵarmashylyq jolyn endi bastaǵan jastardyń keshteri bólek ótip jatady. Endi biz olardyń basyn bir sahnada toǵystyryp otyrmyz. Bul jastardyń ónerine tyń serpin beredi dep oılaımyz, – deıdi A.Báıkenova.

Kesh baǵdarlamasynda mý­zykanyń kóptegen janry qamtylǵan. Konsertte joba avtorymen birge onyń áriptesteri – opera solısi, Qazaqstannyń eńbek sińirgen ártisi Jannat Baqtaı, skrıpkashy Elmıra Jarmuhamedova, vıolonchelshi Kýrvanjan Ahatov, fagotshylar Áset Nel­dibaev, Shernııaz Nazarov, goboıshy, Qazaqstannyń eńbek sińirgen qaıratkeri Damılıa Mahpırova, arfashy Lıýbov Tkachenko óner kórsetti. Sondaı-aq Qazaq ulttyq óner ýnıversıtetiniń stýdentteri men olardyń tálimgerleri de sahnaǵa shyqty. Vokalıst Aıgúl Azatova, skrıpkashylar Danııa Ábilhanova, Eldana Kópbaı, Dalıda Ibragım, vıolonchelshi Dıarjan Ahatov, goboıshy Jáńgir Qosymbaev, fleıtashy, Qazaqstannyń eńbek sińirgen qaıratkeri Jibek Saparǵalıeva, arfashylar Arýjan Sovetova men Nazııa Manabaevanyń óneri de jurtshylyqty jyly áserge bóledi.

Konsert barysynda she­tel­dik jáne otandyq kom­pozıtorlardyń biregeı mýzykalary saltanat qurdy. Daryndy jastar ónerlerin mýzykanyń túrli janrynda aıshyqty kórsete aldy. Aıtalyq, Danııa Ábilhanova kórnekti kompozıtor Ǵazıza Jubanovanyń vırtýoz ári tehnıkalyq jaǵynan kúrdeli shyǵarmasy – orkestr men skrıp­kaǵa arnalǵan konserti-niń úshinshi bólimin keremet oryndady. Sonymen qatar Elmıra Jarmuhamedova men Shernııaz Nazarov Nıkkolo Paganınıdiń Fagot pen skrıp­kaǵa arnalǵan №2 dýetin na­qyshyna keltirip, shyrqady. Sondaı-aq I.Bah, A.Vıvaldı, P.Chaıkovskıı sekildi áıgili kompozıtorlardyń týyndylary da oınaldy. Ásirese «Astana Opera» kameralyq orkestri kesh boıy barlyq ónerpazdy mýzykamen súıemeldep, baǵ­darlamanyń shyraıyn keltirdi.