«Eldiń ǵylymy men mádenıeti, ınnovasııa men rýhanı qýaty oı erkindigi bar ortada ǵana qalyptasady. Tek osyndaı erkin shyǵarmashylyq keńistik bolsa, sol jerde ǵana jasampazdyq, tulǵalar ósip shyǵady. Ǵalym − jańa ıdeıa usynady, ınjener − tyń sheshim tabady, jazýshy men sýretker, ánshiler − qoǵamnyń rýhanı deńgeıin kóteredi. Sondyqtan shyǵarmashylyq erkindik − bolashaqqa salynatyn eń iri ınvestısııa. Memleket basshysy óz sózinde shyǵarmashylyq, ǵylymı jáne ınnovasııalyq baǵytqa qoldaý kórsetýdi, jas talanttardyń eńbegin laıyqty baǵalaýdy únemi aıtyp keledi», dedi Murat Ábenov.
«Neke – er men áıel odaǵy»: Konstıtýsııada otbasy uǵymyn kúsheıtý usynyldy
Osy rette depýtat qazir qoǵamda paıdaly, salmaqty ári jaýapty pikir aıtatyn azamattardyń oıy keıde tasada qalyp qoıatynyn aıtty.
«Kerisinshe, jeńil-jelpi, tekserilmeı áleýmettik jelide aıta salatyn oıdy jurt ilip áketedi. Sonda, keıbir bilimdi azamattar óz oıyn jetkizetin orta taba almaı qalady. Bul óz kezeginde qoǵamnyń ıntellektýaldy damýyna keri áser etetin qubylys. Aldaǵy ýaqytta osy azamattardyń oı-pikirin bılikke, qoǵamǵa jetkizetin arnaıy júıeler jasaýymyz kerek. Sondyqtan Konstıtýsııalyq reforma aıasynda shyǵarmashylyq erkindikti tek jarııalap qana qoımaı, ony naqty qorǵaıtyn jáne qoldaıtyn normalardy bekitý qajet dep esepteımin. Birinshiden, Konstıtýsııada sóz bostandyǵy men shyǵarmashylyq erkindiktiń mazmunyn naqtylap kórsetý kerek», dedi depýtat.
Únzıla Shapaq: Konstıtýsııanyń preambýlasyn jańartý eldiń ıdeologııalyq baǵytyn aıqyndaıdy
