«Aq jol» partııasynyń ustanymy aıqyn

Partııa tóraǵasy Azat Perýa­shev ótken jyldyń qyrkúıeginen bastap áýeli Parlamenttik re­for­ma jónindegi jumys toby­nyń, keıin Konstıtýsııalyq komıs­sııanyń quramynda jańa Ata zań jobasyn ázirleý úshin atqarylǵan jumystar jaıynda baıandady. Jobanyń negizgi erejelerin «Aq jol» partııasy fraksııasynyń múshe­si, Májilistiń vıse-spıkeri Danııa Espaeva tanystyrdy.

Talqylaý barysynda partııa tóraǵasynyń orynbasary, Májilis depýtaty Qazybek Isa, Májilis depýtaty Serik Erýbaev, partııanyń parlamenttik fraksııasy apparatynyń basshysy Berik Dúısembınov, partııanyń Astana qalalyq fılıalynyń tóraǵasy, máslıhat depýtaty As­qar Smaǵulov, Qyzylorda ob­lys­­tyq fılıalynyń tóraǵasy, depýtat ári oblystyq máslıhat ko­­mıssııasynyń tóraǵasy Baýyr­jan Sandybaev, Almaty oblystyq fılıalynyń tóraǵasy Meırash Shynasylova, Qaraǵan­dy oblystyq fılıalynyń tóraǵasy, oblystyq máslıhat depýtaty Ermek Ábildın, Aqmola oblystyq fılıalynyń tóraǵasy, depýtat ári oblys­tyq máslıhat komıssııasynyń tóraǵasy Saıat Syzdyqov, Jetisý oblystyq fılıalynyń tóraǵasy, depý­tat ári oblystyq máslıhat ko­mıs­­sııasynyń tóraǵasy Ermek Eginbaev, t.b. partııa músheleri sóz sóıledi.

Olar qabyldanyp jatqan sheshimderdiń durystyǵyn dálel­deıtin jeke jumys tájirı­be­lerimen bólisti, sondaı-aq qoǵam­da talqylanyp jatqan kons­tıtý­sııalyq reforma má­seleleri bo­ıynsha óz pikirlerin bildirdi.

Ulttyq keńes músheleri jańa Konstıtýsııa jobasyn bir­aýyzdan qoldap, redaksııalyq sıpattaǵy birqatar usynysta­ryn bildirdi. Bul usynystar Konstıtýsııalyq komıssııanyń hatshylyǵyna joldanatyn bolady.