Foto: kff.kz
Qazaqstan tennıs federasııasynyń málimetinshe, saltanatty jıynda qos quramanyń kapıtandary – Dıas Dosqaraev pen Gııom Kýııar sóz sóılep, komandalar bir-birine estelik syılyqtar tartý etti. Bul – ózara qurmet pen sporttyq birliktiń belgisi.
Tennısshi Aleksandr Býblık bir maýsymda 34 ret jeńiske jetti
Ulttyq oıyndar men rýhanı tanysý
Kezdesýdiń erekshe bóligi – Monakodan kelgen qonaqtardy qazaq mádenıetimen tanystyrý boldy. Tennısshiler úshin asyq atý men láńgi sekildi ulttyq oıyndar uıymdastyrylyp, qatysýshylar dástúrli oıyndardy syrttaı tamashalap qana qoımaı, ózderi de oınap kórdi. Bul bastama sheteldik sportshylarǵa qazaqtyń rýhanı murasyn jaqynnan sezinýge múmkindik berdi.
Tusaý kesý – sımvoldyq sát
Is-sharanyń sharyqtaý shegi Qazaqstannyń eń tanymal tennısshisi Aleksandr Býblıktiń «tusaý kesý» rásimine qatysýy boldy. Kóne dástúr boıynsha, bul ǵuryp 1 jasqa tolǵan balanyń aldaǵy ómir joly ashyq, qadamy nyq bolsyn degen nıetpen jasalady. Tusaýdy kesý mártebesi joly úlgi bolarlyq, qasıeti juǵysty adamǵa senip tapsyrylady.
Ulttyq salttyń osyndaı sımvoldyq kórinisi sport pen mádenıettiń ózara úndesýin aıqyn kórsetti. Bul – halyqaralyq týrnır aıasynda qazaq dástúrin dáripteýdiń áserli úlgisi.
Aıta keteıik, osy kúni Qazaqstan – Monako matchyna arnalǵan resmı jerebe tartý rásimi de ótti. Devıs kýbogy tek sporttyq tartys qana emes, halyqtardy jaqyndastyratyn mádenı alań ekenin taǵy bir márte aıǵaqtady.
Aleksandr Býblık Australian Open týrnıriniń tórtinshi aınalymyna shyqty
