Áleýmettik salany órkendetý – ýaqyt talaby

О́ńirdiń densaýlyq saqtaý salasynda birqatar mańyzdy kórsetkishter boıynsha oń dınamıka baıqalady. Máselen, týberkýlezden bolatyn ólim-jitim 7,1%-ǵa tómendegen. Sonymen qatar sheshimin kútken máseleler de bar. Atap aıtqanda, ınter­vensııalyq kómektiń qoljetimdiligin arttyrý, skrınıngtik tekserýlerdiń sapasyn jaqsartý jáne kadrlyq áleýetti nyǵaıtý baǵytynda naqty sharalar qabyldaý qajet.

Oblystyń bilim berý júıesin damytý boıynsha da júıeli jumys júrgizilýde. О́ńirdegi 30 kolledjde 593 kásiporynnyń qatysýymen dýaldy oqytý júıesi sátti engizilgen. Mektepterde sıfrlandyrý men jasandy ıntellekt tehnologııa­lary belsendi túrde qoldanylyp keledi. Sonymen qatar arnaıy pedagog kadr­larynyń tapshylyǵyn joıýǵa baǵyt­talǵan jumystar atqarylýda.

Qostanaı oblysyndaǵy joǵary bilim berý salasy da turaqty oń ósimdi kór­setip otyr. Keıingi úsh jylda stýdentter sany 15,3%-ǵa artqan. Halyqaralyq qos dıp­lomdy bilim berý baǵdarlamalary keńeıip, kadrlardy praktıkaǵa beıimdep daıarlaý kúsheıtilýde. «KIA» kompanııasymen yntymaqtastyqtyń nátıjeliligi de aıqyn. «Avtomobıl ónerkásibiniń ınjınırıngi» baǵdarlamasy aıasynda oqyǵan 22 stýdenttiń 17-si búginde turaqty jumyspen qamtylǵan.

Sonymen qatar azamattardy turaqty jumys oryndaryna ornalastyrý deń­geıiniń tómendigi negizgi túıtkilderdiń biri retinde ataldy. Oblys ákimdigine osy baǵytta jumysty kúsheıtý tapsyryldy.

О́ńirde búginde 580 mádenıet jáne arhıv mekemesi jumys isteıdi. Keıingi úsh jylda 31 nysan jóndeýden ótip, 5 jańa mádenıet mekemesi salynǵan. Degenmen mádenı ınfraqurylymdy jańǵyrtýǵa degen qajettilik áli de joǵary deńgeıde qalyp otyr.

Týrızm salasynda Qostanaı oblysy­nyń áleýeti zor bolǵanymen, týrıstik ınfraqurylymdy damytý máseleleri de ózekti. Sondaı-aq ınklıýzıvti sportty damytýǵa da erekshe nazar aýdarý qajettigi atap ótildi.

Keńes qorytyndysy boıynsha Premer-mınıstrdiń orynbasary bir­qatar naqty tapsyrmalar berdi. Atap aıt­qan­da, pro­fılaktıkalyq jáne aqparat­tyq-tú­­sindirý jumystaryn kúsheıtý, kadr­­­­lyq áleýetti damytý, sondaı-aq áleý­met­­­tik sala­nyń negizgi baǵyttary boıyn­sha keshendi sharalardy iske asyrý tapsyryldy.