Jym-jyrt aýylda turyp jatyrmyz

Men Ýálıhanov aýdanyndaǵy Jas­qaı­rat aýylynyń negizgi mektebinde kitap­ha­nashy bolyp qyzmet isteımin. Ashyǵyn da, ashynyp ta aıtarym – aýyl jaıynyń múshkil hali. Aýyz sý, uıaly telefon, aýyl ishin jaryqtandyrý, jol qatynasy sekildi adam ómirine aldymen qajet áleýmettik máseleler qansha aıtylsa da saǵyzsha sozylyp keledi. «Aýyldyń bolashaǵy – jastar» dep jar­ǵaq qulaǵymyz jastyqqa tımeı jara­pa­zan aıtqanda keremetpiz. Al dıp­lomdy jas mamandarǵa qalypty turmys­tyq jaǵ­daı jasaý, ornyqtyrý bas «aýrý­larymyzdyń» biri dese de bolady. Búgin­gideı ozyq tehno­logııalar zamanynda ınternet jelisin ­paı­dalanbaý, tipti, qara­paıym baılanys­­tyń­ joqtyǵy estir qulaq­qa uıat. Osydan keıin eldi mekenderge jastardy aparyp kór! Aýylymyz oblystan, aýdannan shal­ǵaıda ornalasqandyqtan, jol qaty­nasy da kúrmeýi sheshilmegen kúıinde tur. Qysta oıqy-shoıqy joldardy belýardan qar bassa, jazdyń jaýyndy-shashyndy kezderinde belshemizden saz keship júrgenimiz. Qaqaǵan aıaz ben dúleı borandarda turǵyndardyń dalada qalyp qoıǵan kezderi az emes. Sondyqtan bolar, syrttan aýylymyzǵa atbasyn tireıtin basshylar sırek. Aıdyń, kúnniń amanynda shaqyrtyp ákelý qıyn. Uzyn sózdiń qysqasy, biz jym-jyrt aýylda turyp, mımyrt tirlik keship jatyrmyz... Bıbinur JANATQYZY. Soltústik Qazaqstan oblysy, Ýálıhanov aýdany.