«Qazatomónerkásip» basshysy Nurlan Qapparov qaıtys boldy

ASTANA. 26 naýryz. Beıjińde «Qazatomónerkásip» UAK AQ-nyń basshysy Nurlan Qapparov júrek talmasynan qaıtys boldy. Aldaǵy kúnderi onyń múrdesi Almatyǵa jetkiziledi. Bul týraly kapital.kz habarlady. Nurlan Qapparov 1970 jyldyń 30 naýryzynda Almaty qalasynda dúnıege keldi. 1997 jyly Almaty Tehnologııalyq ınstıtýtyn ınjener-ekonomıst mamandyǵy boıynsha támamdady. Al 2003 jyly Dj.Kennedı atyndaǵy Garvard ýnıversıtetiniń Memlekettik basqarý mektebinen magıstr dárejesin alyp shyqty. Nurlan Jambylulynyń qyzmet istegen jerleri: 1991-1997 jyldary «Aksept» korporasııasy» JAQ-nyń prezıdenti; 1997-1998 jyldary «QazTransOıl» JAQ-nyń prezıdenti; 1998-1999 jyldary «Qazaqoıl» JAQ-nyń prezıdenti; 1999-2001 jyldary Energetıka jáne mıneraldy resýrstar mınıstrliginiń vıse-mınıstri; 2003-2007 jyldary «Qazınvestbank» AQ dırektorlar keńesiniń tóraǵasy; 2004-2012 jyldary «Lancaster Group Kazakhstan» AQ dırektorlar keńesiniń tóraǵasy; 2012-2014 jyldary Qorshaǵan ortany qorǵaý mınıstri; 2014 jyldyń tamyz aıynan bastap búginge deıin «Qazatomónerkásip» UAK AQ-nyń basqarma tóraǵasy boldy. Elaman Qońyr. Derek: kapital.kz. Sýret: strategy2050.kz.