foto: gov.kz
Polısııa málimetinshe, eki er adam avtobýs aıaldamasynda 13 jastaǵy mektep oqýshysyn urlamaq bolǵan. Beınejazbada qyzdy kúshtep kólikke otyrǵyzýǵa tyrysqany anyq kórinedi.
Alaıda olardyń áreketine kezdeısoq ótip bara jatqan azamat kedergi keltirgen. Keıin belgili bolǵandaı, jasóspirimdi qutqaryp qalǵan – Taraz qalasynyń turǵyny Nýrken Ýmarov. Biraz ýaqyttan soń qyzdyń ákesi ony arnaıy izdep taýyp, kórsetken kómegi úshin jeke alǵys aıtqan.
Polısııa qyzmetkerleri kúdiktilerdi izin sýytpaı ustap, ýaqytsha ustaý ızolıatoryna qamaǵan.
Aldyn ala aqparat boıynsha, kúdiktiler (aǵaıyndy ekeni anyqtalǵan) QR Qylmystyq kodeksiniń 24-baby 3-bóligi jáne 125-baby 3-bóliginiń 2-tarmaǵy boıynsha aıypty dep tanylyp otyr.
Qazirgi ýaqytta tergeý amaldary jalǵasyp jatyr.
Tarazdaǵy fosfor zaýytynda 3 adamdy kúıik shalyp, bireýi kóz jumdy
