Sýret: gov.kz
- Serbııalyq Aleksandra Krýnıchpen juptasyp óner kórsetip jatqan Anna Danılına Dýbaıdaǵy WTA 1000 týrnıriniń jartylaı fınalyna shyqty. Keshe olar Lıýdmıla Kıchenok (Ýkraına) pen Dezıre Kravchıkti (AQSh) 6:1, 4:6, 10:6 esebimen qapy qaldyrdy. Endi olar Gabrıela Dabrovskı (Kanada)/Lýıza Stefanı (Brazılııa), Djýlıana Olmos (Meksıka)/Djessıka Pegýla (AQSh) juptary arasyndaǵy básekeniń jeńimpazymen kezdesedi.
- Erteń Germanııanyń Insell qalasynda konkıden jasóspirimder arasyndaǵy Álem kýboginiń kezeńdik saıysy bastalady. Bul básekede el namysyn Krıstına Shýmekova, Alına Shýmekova, Varvara Glýhova, Anastasııa Belovodova, Vadım Chebardakov, Mıhaıl Brovko, Mıhaıl Matrıýhın, Denıs Mezensev, Rýslan Janádilov, Alına Daýranova, Marııa Degen, Inessa Shýmekova, Darıa Vajenına, Abylaıhan Qaıyrǵazy, Dmıtrıı Osıpenko, Azamat Sátqoja, Andreı Semıonov qorǵaıdy.
- Fýtboldan elimiz chempıonatynyń Birinshi lıgasynda bıyl 14 komanda kúsh synasady. Olar – «Taraz», «Turan» (Túrkistan), «Shahter» (Qaraǵandy), «Jaıyq» (Oral), «Arys», «Ekibastuz», «Han táńiri» (Almaty), «Ońtústik akademııasy» (Shymkent), «Qaırat M» (Almaty), «Aqtóbe M», «Elimaı M» (Semeı), «Tobyl M» (Qostanaı), «Kaspıı M» (Aqtaý), «Astana M». Jarys qorytyndysynda alǵashqy eki oryndy ıelengen ujym kelesi maýsymda Premer-lıgada kúsh synasý múmkindigine ıe bolady.
- Búgin Bakýde batýtty gımnastıkadan Álem kýboginiń tusaýy kesiledi. Jarysta ulttyq komandamyzdyń bapkerleri Danııl Musabaev, Roman Barkov, Nıkıta Týmakov, Erlan Tasmaǵambetov syndy shákirtterine senim artyp otyr.
