Resmı aqparatqa sáıkes, tyıym «Hımfarm» aksıonerlik qoǵamy óndirgen «Streptosıd» dárisiniń 25080430 serııasyna qatysty. Preparattyń jaramdylyq merzimi 2030 jyldyń tamyzyna deıin dep kórsetilgen. Tabletka túrindegi dári 300 mg dozada shyǵarylǵan, bir qaptamada 10 tabletkadan, karton qorapshada bes qaptama bolǵan.
Mınıstrlik sheshimi densaýlyq saqtaý salasyndaǵy qoldanystaǵy zańnamaǵa jáne dárilik zattardy qoldanýdy shekteý qaǵıdalaryna sáıkes qabyldanǵan. Osyǵan baılanysty atalǵan serııadaǵy preparatty satý, taratý jáne emdeý isinde paıdalaný toqtatyldy.
Dárihanalar nege áleýmettik mańyzy bar dárilerdi satyp alýdan bas tartyp otyr?
Dárini naryqtan tolyq alyp tastaý barysyn Medısınalyq jáne farmasevtıkalyq baqylaý komıteti baqylap otyr. Buıryqqa qol qoıylǵannan keıin bir jumys kúni ishinde komıtettiń aýmaqtyq bólimsheleri, dárilik zattar aınalymy salasyndaǵy memlekettik saraptama uıymy, Áleýmettik medısınalyq saqtandyrý qory jáne SK-Farmasııa kompanııasy habardar etilgen.
Mınıstrliktiń málimetinshe, bul tártip preparattyń el aýmaǵyndaǵy barlyq dárihana men medısınalyq uıymdardan der kezinde ári tolyq alynýyn qamtamasyz etýge baǵyttalǵan. Mundaı shara azamattardyń densaýlyǵyn qorǵap, dárini qoldanýǵa baılanysty yqtımal qaýipterdiń aldyn alýǵa múmkindik beredi.
