Atyraý qalasynyń ákimshilik quqyq buzýshylyqtar jónindegi mamandandyrylǵan sotynda K.-ǵa qatysty ákimshilik is qaraldy. Oǵan Ákimshilik quqyq buzýshylyq týraly kodesiniń 440-1-babynyń 1-bóligimen (Esirtki, psıhotroptyq zattardy, sol tektesterdi, sondaı-aq kúshti áser etetin zattardy medısınalyq emes maqsatta tutyný) jáne 434-babynyń 2-bóligimen (Usaq buzaqylyq) ákimshilik hattama toltyrylǵan.
«2026 jylǵy 8 naýryzda azamat K. Atyraý qalasyndaǵy Azattyq dańǵylynda ustalyp, tekserý barysynda onyń medısınalyq emes maqsatta esirtki zattaryn, atap aıtqanda, «PVP» (alfa pırrolıdınopentıofenon), «TRM» (metabolıty tropıkamıda) qoldanǵany anyqtalǵan. Sondaı-aq, K. ákimshilik jaza qoldanylǵannan keıin bir jyl ishinde qaıtalap, Atyraý oblystyq aýrýhanasynda bylapyt sózben aınalasyndaǵylarǵa qurmetsizdik kórsetip, qoǵamdyq tártipti buzǵan», dep habarlady atalǵan sottan.
Quqyq buzýshy K.-niń kinási ákimshilik quqyq buzýshylyq týraly, saýal qoıý hattamalarymen, medısınalyq kýálandyrý qorytyndysymen, beınejazbalarmen tolyq dáleldendi.
Sot qaýlysymen K. kináli dep tanyldy. Quqyq buzýshylyqtyń sıpaty, quqyq buzýshynyń minez-qulqy eskerilip, oǵan 30 táýlikke ákimshilik qamaqqa alý jazasy qoldanyldy.
Shyǵys Qazaqstanda as úı oryndyǵyna esirtki saqtaǵan turǵyn ustaldy
Sot qaýlysy zańdy kúshine endi.
