Bilim baǵdarlamasy naqtylandy

Qazaqstan Respýblıkasy Prezıdentiniń janyndaǵy Ortalyq kommýnıkasııalar qyzmetinde Bilim jáne ǵylym vıse-mınıstri Esenǵazy Imanǵalıev pen mınıstrliktiń Mektepke deıingi jáne orta bilim, aqparattyq tehnologııalar departamentiniń dırektory Jańyl Jontaevanyń qatysýymen «Nurly Jol» baǵdarlamasyn iske asyrý sheńberinde mektepke deıingi jáne orta bilim berýdi damytý» taqyrybynda brıfıng ótkizildi. Mınıstrlik jergilikti at­qa­rýshy organdarmen birlese otyryp, Ulttyq qor qarajaty esebinen apatty jáne úsh aýysymdy mektepterdiń ornyna qurylys salýǵa qajet bilim uıalarynyń sanyn anyqtaǵan. Elbasynyń Qazaqstan halqyna arnaǵan «Nurly Jol – bolashaqqa bastar jol» atty Joldaýynyń sheńberinde júrgizilgen jumystyń nátıjesinde Ulttyq qor esebinen 2015-2017 jyldarǵa jalpy somasy 61,9 mlrd. teńgeni quraıtyn 73 mekteptiń qurylysy josparlanypty. Iаǵnı úsh aýysymdy sabaqtardy joıý úshin Ulttyq qordan 57 mektep, apatty mektepterdiń ornyna 16 mektep salý qarastyrylyp otyr eken. Respýblıkada 8467 mektepke deıingi uıym tirkelip, olarǵa 727,4 myń bala barady. Onyń ishinde 3832 balabaqsha (541,5 myń bala) jáne 4635 shaǵyn ortalyq (185,8 myń bala) bar. Balalardy mektepke deıingi uıymdarmen qamtý 78,6%-dy quraıdy. Respýblıkanyń 6 óńirinde – Almaty (62,9%), Mańǵystaý (68,1%), Ońtústik Qazaqstan (72,4%), Jambyl (70,9%) oblys­tarynda jáne Almaty (64,7%) men Astana (63,1%) qalalarynda balalardy mektepke deıingi oryndarmen qamtý respýblıkalyq deńgeıden tómen, olarda 2020 jylǵa qaraı 100% nysanaly kórsetkishine qol jetkizbeý qaýpi bar. Osyǵan baılanysty joǵaryda kórsetilgen óńirlerdiń Mańǵystaý oblysynan (2 balabaqsha) basqa árqaısysynda Ulttyq qor qarajaty esebinen jalpy somasy 15,39 mlrd. teńge turatyn 3 balabaqshadan, basqa óńirlerde 1 balabaqshanyń qurylysy qolǵa alynbaq. Jalpy alǵanda, osy sharalar 2018 jylǵa qaraı úsh aýysymdy jáne apatty mektepterdi joıýǵa jáne mektepke deıingi uıymdarda oryn tapshylyǵy máselesin túbegeıli sheshýge múmkindik beredi. Berik SADYR, «Egemen Qazaqstan».