«Búgin respýblıkalyq referendýmǵa kelip, daýysymdy berdim», dedi Murat Sirgebaev. Al kásibı paraplanshy Eskendir Júnisov referendým ýchaskesine kókten qalyqtap ushyp kelip, óz tańdaýyn jasady. Bul erekshe qadam el bolashaǵyna degen bıik maqsattar men azamattyq belsendiliktiń jańa rámizine aınaldy. Eskendir Tolqynuly zeńgir kókte elimizdiń Kók baıraǵyn jelbiretip, jurtshylyqty saıası naýqanǵa belsene qatysýǵa shaqyrdy.
Sondaı-aq «Qonaev» qorynyń vıse-prezıdenti Dáýletbek Janbotaev daýys berý ýchaskesine memleket jáne qoǵam qaıratkeri Dinmuhamed Qonaev mingen tarıhı jádiger «Chaıka» avtokóligimen kelgeni daýys berýshilerdi beıjaı qaldyrmady. Kópshilik estelik sýretterge tústi.
Aıta keteıik, Qonaev qalasynda 31 referendým ýchaskesi jumys istep tur.
Almaty oblysy,
Qonaev qalasy
