Alǵashqylardyń biri bolyp №35 referendým ýchaskesine kelgen óńir basshysy Erbol Qarashókeev bul saıası naýqannyń el erteńi úshin mańyzdy ekenin atap ótti. Oblys ortalyǵy Taraz qalasy men on aýdanda da referendým ýchaskelerine aǵylǵan jurt az bolǵan joq. Olardyń deni túske deıin tańdaý jasap úlgerdi. Taraz shaharyndaǵy ýchaskelerde Ulystyń uly kúnine oraı ulttyq oıyndardan jarystar uıymdastyrylyp, qazaqy dástúr dáripteldi.
№464 referendým ýchaskesine kelgen júzý sportynan Rıo-de-Janeıro Paralımpıadasynyń chempıony Zúlfııa Ǵabıdýllına taǵdyrsheshti saıası naýqanǵa qatysý ár azamattyń boryshy ekenin atap ótti.
«Jyldar jylystaǵan saıyn ýaqyt jańashyldyqty talap etetini barshamyzǵa belgili. Sol turǵydan alyp qaraǵanda, Ata zańǵa da ózgerister engizilip jatqany zańdylyq. Bul úrdis álemniń kóptegen damyǵan memleketinde de bar ekenin bilemiz. El erteńi úshin mańyzy zor mundaı naýqanda ár adam óz tańdaýyn jasaýǵa tıis. Sol úshin de ýchaskege erterek kelip, azamattyq boryshymdy ótedim. Táýelsiz elimizdiń erteńi jarqyn bolsyn. El damýy úshin atqarylyp jatqan ár qadam sátti bolǵaı», dedi el maqtanyshy.
Tarazdyq 101 jasar keıýana Razııa Ádilovanyń ótinishi negizinde qaladaǵy №42 referendým ýchaskesiniń komıssııa músheleri úıine arnaıy bardy. О́z tańdaýyn jasaǵan aqjaýlyqty áje el bolashaǵy úshin atqarylyp jatqan jumys sátimen jalǵasýyna tilektestigin bildirip, aq batasyn berdi.
Respýblıkalyq referendýmǵa qatysqan Qazaq ulttyq sý sharýashylyǵy jáne ırrıgasııa ýnıversıtetiniń rektory Kámshat Túsipovanyń aıtýynsha, Ata zańnyń jańa jobasynda ǵylym jáne bilim salalaryn damytýǵa aıryqsha basymdyq berilgen. «Saıası qujatta bilim men ǵylym salalaryn órkendetý, jańa bıikke kóterilýine basymdyq berý máselesi keńinen qamtylǵany kóńil qýantady. Bul – jaı uran nemese deklaratıvti qujat emes, memleket damýynyń quqyqtyq negizin qalyptastyratyn strategııalyq baǵyt», deıdi ol.
Bul kúni dzıýdo kúresinen Olımpıada chempıony Eldos Smetov, «Qazaqstan barysy» jobasynyń jeńimpazy Ǵalymjan Qyryqbaı, grek-rım kúresinen Azııa chempıony Erjet Jarylqasynov, bokstan Azııa chempıony Oljas Sáttibaev bastaǵan ózge de óńirdiń betkeustar sportshylary referendým ýchaskesine kelip, óz tańdaýyn jasady.
Oblystyq aýmaqtyq referendým komıssııasynyń tóraǵasy Serǵalı Aıdapkelovtiń aıtýynsha, saıası naýqanǵa daıyndyq jumysy jan-jaqty júrgizilgendikten, 513 ýchaskeniń barlyǵynda referendým zańǵa sáıkes ótken.
Jambyl oblysy
