Birlestik tóraǵasy Ývaıs Djanaev óziniń otbasymen birge №54 referendým ýchaskesinde daýys berdi.
– Biz otbasy bolyp bekitilgen ýchaskemizge keldik. Bul – óz azamattyq boryshymyzdy oryndaýdyń, sondaı-aq elimizdiń bolashaǵyna degen pikirimizdi bildirýdiń múmkindigi. Búgin bizdiń otbasymyz úshin taǵy bir mańyzdy qýanysh: qyzymyz Sýrııana ómirinde alǵash ret osyndaı qoǵamdyq-saıası is-sharaǵa qatysty. Qazaqstan árdaıym beıbitshilik pen izgiliktiń eli bolyp kelgen. Búkil otbasy bolyp biz balalarymyz ben eldiń turaqty ári jarqyn bolashaǵy úshin daýys berdik, – deıdi Ývaıs Havajıevıch.
Alǵash ret daýys bergen Sýrııana Djanaevaǵa ýchaske tóraǵasy tátti syılyq tabys etti.
Al Saran qalasyndaǵy №247 referendým ýchaskesinde óz tańdaýyn jasaǵan Rýslan Safarov el erteńine senimdi. Ol – «Ahyska» túrik etnomádenı ortalyǵy» qoǵamdyq birlestiginiń Qaraǵandy oblystyq fılıalynyń tóraǵasy. Qoǵamdyq is-sharalardyń bel ortasynda júredi. Mine, eldiń bolashaǵyna da alańdap, dostyq pen birliktiń úlgisin kórsetip, óziniń únin qosty.
«Bizdiń bir ǵana Otanymyz bar. Ol – Táýelsizdigi tuǵyrly Qazaq eli. Sondyqtan, bizdiń birlestik ókilderi búgingi mańyzdy is-sharaǵa beıjaı qaraı almaıdy. Barlyǵy óz otbastarymen referendým ýchaskelerine baryp, úlesterin qosýda», deıdi Rýslan Safarov.
Qaraǵandy oblysy
