Uly Otan soǵysy jyldarynda jambyldyqtar kıeli topyraq, ataly jurtyna laıyq batyr minez tanytty. Áýlıeata jerinen 120 myńnan astam adam maıdanǵa attandy. 20 jambyldyq jaýynger Keńes Odaǵynyń Batyry, 7 jerlesimiz «Dańq» ordeniniń tolyq ıegeri atandy.
Qazaq batyrlarynyń boıtumaryndaı bolǵan Baýyrjan Momyshuly, surmergen Ybraıym Súleımenov, jaýjúrek Aǵadil Sýhanbaev, panfılovshy Nıkolaı Belashov, ataqty ushqysh Anatolıı Semenıýk, pýlemetshiler bólimshesiniń komandıri Sattar Estemisov, Sádý Shákirov, Iаkov Tıýlkın, Nýrýlla Fazylaevtyń erlikteri ańyzǵa aınaldy. Olardyń maıdandaǵy erligin tylda eseli eńbekpen jalǵastyrǵan jambyldyqtar Jeńis kúnin jaqyndatýǵa súbeli úles qosty. Endi, mine, Otan úshin janyn pıda etken jaýyngerler rýhyna bas ıip, taǵzym etý, ardagerlerimizdi ardaqtaý – búgingi urpaqtyń eń basty paryzy.
Osy aptada Taraz qalasynyń temirjol beketinen «Jeńis poıyzy» jolǵa shyqty. Quramynda 15 medısına qyzmetkeri, basqa da áleýmettik qyzmetkerler, óner adamdary, ardagerler men úkimettik emes uıymdardyń ókilderi bar bul poıyz B.Momyshuly aýyly men Jańatas qalasyna deıin, bir jaǵy Shý, Shyǵanaq, Otar stansalaryna deıin baryp, óńirlerdegi soǵys ardagerleri men tyl eńbekkerlerin qurmettep, hal-jaǵdaılaryn bilip, densaýlyǵyna kóńil bólip, keshendi túrde medısınalyq kómek kórsetedi. Naqtyraq aıtsaq, «Jeńis poıyzy» oblys aýmaǵyndaǵy 38 stansaǵa toqtap, temirjol salasynda jumys istep jatqan 2449 qyzmetkerdiń otbasyndaǵy qarııalarǵa, tyl eńbekkerlerine de qyzmet kórsetetin bolady. Sondaı-aq, osy sapar barysynda ardagerlerge 128 tonna tegin azyq-túlik taratylady.
– Biz Jeńis soldattary aldynda máńgi qaryzdarmyz. Aǵa urpaqtyń eren eńbeginiń arqasynda biz búgingideı beıbit kúnde, táýelsiz elde ómir súrýdemiz. El Prezıdenti Nursultan Ábishuly Nazarbaev soǵys ardagerleriniń qoǵamdaǵy róline úlken mán berip, olarǵa memlekettik qamqorlyq jasaýdy turaqty nazarda ustaýda. Bizdiń boryshymyz – alapat soǵystaǵy Jeńistiń bizge qalaı kelgendigin tereń uǵyný. Aramyzda júrgen ardagerlerge udaıy qamqorlyq kórsetý. Endigi jerde «soǵys» degen aýyr kún aldymyzdan shyqpasyn. Urpaǵymyz beıbit ómir súrsin. Uly Jeńis syılaǵan ardagerlerimiz aman-saý bolsyn!», – dep Jambyl oblysynyń ákimi Kárim Kókirekbaev «Jeńis poıyzyna» sátsapar tiledi.
Oralhan DÁÝIT,
«Egemen Qazaqstan».
Jambyl oblysy.
Qazaq batyrlarynyń boıtumaryndaı bolǵan Baýyrjan Momyshuly, surmergen Ybraıym Súleımenov, jaýjúrek Aǵadil Sýhanbaev, panfılovshy Nıkolaı Belashov, ataqty ushqysh Anatolıı Semenıýk, pýlemetshiler bólimshesiniń komandıri Sattar Estemisov, Sádý Shákirov, Iаkov Tıýlkın, Nýrýlla Fazylaevtyń erlikteri ańyzǵa aınaldy. Olardyń maıdandaǵy erligin tylda eseli eńbekpen jalǵastyrǵan jambyldyqtar Jeńis kúnin jaqyndatýǵa súbeli úles qosty. Endi, mine, Otan úshin janyn pıda etken jaýyngerler rýhyna bas ıip, taǵzym etý, ardagerlerimizdi ardaqtaý – búgingi urpaqtyń eń basty paryzy.
Osy aptada Taraz qalasynyń temirjol beketinen «Jeńis poıyzy» jolǵa shyqty. Quramynda 15 medısına qyzmetkeri, basqa da áleýmettik qyzmetkerler, óner adamdary, ardagerler men úkimettik emes uıymdardyń ókilderi bar bul poıyz B.Momyshuly aýyly men Jańatas qalasyna deıin, bir jaǵy Shý, Shyǵanaq, Otar stansalaryna deıin baryp, óńirlerdegi soǵys ardagerleri men tyl eńbekkerlerin qurmettep, hal-jaǵdaılaryn bilip, densaýlyǵyna kóńil bólip, keshendi túrde medısınalyq kómek kórsetedi. Naqtyraq aıtsaq, «Jeńis poıyzy» oblys aýmaǵyndaǵy 38 stansaǵa toqtap, temirjol salasynda jumys istep jatqan 2449 qyzmetkerdiń otbasyndaǵy qarııalarǵa, tyl eńbekkerlerine de qyzmet kórsetetin bolady. Sondaı-aq, osy sapar barysynda ardagerlerge 128 tonna tegin azyq-túlik taratylady.
– Biz Jeńis soldattary aldynda máńgi qaryzdarmyz. Aǵa urpaqtyń eren eńbeginiń arqasynda biz búgingideı beıbit kúnde, táýelsiz elde ómir súrýdemiz. El Prezıdenti Nursultan Ábishuly Nazarbaev soǵys ardagerleriniń qoǵamdaǵy róline úlken mán berip, olarǵa memlekettik qamqorlyq jasaýdy turaqty nazarda ustaýda. Bizdiń boryshymyz – alapat soǵystaǵy Jeńistiń bizge qalaı kelgendigin tereń uǵyný. Aramyzda júrgen ardagerlerge udaıy qamqorlyq kórsetý. Endigi jerde «soǵys» degen aýyr kún aldymyzdan shyqpasyn. Urpaǵymyz beıbit ómir súrsin. Uly Jeńis syılaǵan ardagerlerimiz aman-saý bolsyn!», – dep Jambyl oblysynyń ákimi Kárim Kókirekbaev «Jeńis poıyzyna» sátsapar tiledi.
Oralhan DÁÝIT,
«Egemen Qazaqstan».
Jambyl oblysy.
