Dodanyń ashylý rásiminde Týrızm jáne sport mınıstrliginiń sport jáne dene shynyqtyrý isteri komıteti tóraǵasynyń orynbasary Amanbaı Nurmuhanbetov, Búkilálemdik Kókpar qaýymdastyǵynyń prezıdenti Danııar Qobylandın, jarystyń bas tóreshisi Janysbek Saev, sondaı-aq kókpardan Keńes Odaǵynyń 9 dúrkin chempıony, ardager sportshy Ábilhan Daýylbaev qatysýshylarǵa sáttilik tilep, quttyqtaý sóz sóıledi.
Ulttyq sport túrleri: kókpar men qyz qýý álemde qalaı nasıhattalyp jatyr
Jahandyq básekeniń shymyldyǵyn О́zbekstan men Qytaı quramalary ashty. Tartysty oıynda ózbekstandyq shabandozdar 10:0 esebimen qarsylasynan basym tústi. Al Reseı men Mońǵolııa kezdesýinde 3:0 esebi tirkelse, Qazaqstan men Tájikstan arasyndaǵy oıynda otandastarymyz 8:4 esebimen jeńiske jetti. Sondaı-aq, Aýǵanstan men Majarstan tartysynda 14:0 esebimen aýǵandyqtar basym boldy.
Jarys reglamentine sáıkes, toptyq kezeńde úzdik shyqqan komandalar 20 naýryzda jartylaı fınaldyq kezdesýlerde myqtyny anyqtaıdy. Al 21 naýryz kúni sheshýshi oıyndar ótip, chempıon men júldegerler anyqtalady. Aıtýly jarysty uıymdastyrýǵa Dúnıejúzilik kókpar qaýymdastyǵy, Qazaqstan Respýblıkasynyń kókpar federasııasy, Ulttyq jáne at sporty ortalyǵy jáne Túrkistan oblysy ákimdigi birlesip atsalysyp jatyr. Álem chempıonatynyń jalpy júlde qory – 30 mıllıon teńge.
Qazaqtyń kókpary VI Dúnıejúzilik kóshpeliler oıyndarynyń resmı baǵdarlamasyna engizildi
Aıta keteıik, kókpardan álem chempıonaty sońǵy ret 2017 jyly ótken bolatyn. Araǵa toǵyz jyl salyp, tarıhı doda Túrkistan tórinde uıymdastyrylyp otyr.
TÚRKISTAN
