Foto: depositphotos.com/ALesik
Qalalyq máslıhat bekitken jańa tarıfterge sáıkes, kólikti evakýasııalaý quny 3 AEK – 12 975 teńge bolady. Bul qyzmetti Jol qozǵalysyn uıymdastyrý ortalyǵy júzege asyrady.
Buǵan qosa, buryn tegin bolǵan aıypturaqtaǵy saqtaý qyzmeti de aqyly júıege kóshedi. Tarıf kólik túri men turǵan ýaqytyna baılanysty esepteledi:
- Motosıklder úshin: birinshi kún – 1 AEK (4 325 teńge), keıingi ár kún – 2 AEK (8 650 teńge);
- Kvadrosıklder úshin: birinshi kún – 1,5 AEK (6 487 teńge), keıin – 3 AEK (12 975 teńge);
- Jeńil kólikter úshin: birinshi kún – 3 AEK (12 975 teńge), keıin – 5 AEK (21 625 teńge);
- 3,5 tonnaǵa deıingi júk kólikteri: birinshi kún – 5 AEK (21 625 teńge), keıin – 7 AEK (30 275 teńge);
- Tirkemeler (0,75 tonnaǵa deıin): birinshi kún – 2 AEK (8 650 teńge), keıin – 4 AEK (17 300 teńge);
- 3,5 tonnaǵa deıingi tirkemeler: birinshi kún – 5 AEK (21 625 teńge), keıin – 7 AEK (30 275 teńge).
Jaýapty basqarma ókilderiniń aıtýynsha, kólik iri bolǵan saıyn tarıf te joǵarylaıdy. Jańa tártiptiń basty maqsaty – evakýasııa qyzmeti salasynda ashyqtyqty qamtamasyz etý.
Endi kólik nómirine mobıldi qosymsha arqyly tapsyrys berýge bolady
Aıypturaqty aqyly etý máselesi buryn da kóterilgen. 2018 jyly qala ákimdigi aıypturaqtardy aqyly etý qajettigin aıtqan. Sebebi kommýnaldyq turaqtar bıýdjet esebinen ustalyp, jyl saıyn oǵan ondaǵan mıllıon teńge jumsalǵan, ári turaqtardyń shamadan tys tolýy ózekti máselege aınalǵan.
Mamandardyń paıymynsha, aqyly júıe engizilse, kólik ıeleri avtokóligin tezirek alyp ketýge múddeli bolady, osylaısha turaqtaǵy oryn tapshylyǵy azaıady. Alaıda bul usynys sol kezde iske aspaı qalǵan.
