«Referendýmǵa jurtshylyq óte belsendi qatysty, bul da qýanarlyq jaǵdaı. Osy saılaý naýqany yrysty yntymaǵymyzdy pash etti. Bul da óte mańyzdy úderis. О́ıtkeni biz azamattarymyzdyń otanshyldyq rýhyn aıqyn sezindik.
Túrkistan jurtshylyǵy árdaıym eldik isten syrt qalmaı, júrgizilip jatqan reformalardy jappaı qoldap keledi. Bul joly da sizder aýyzbirshiliktiń ozyq úlgisin aıqyn kórsettińizder», dedi Q.Toqaev.
Prezıdenttiń aıtýynsha, Túrkistan referendýmda Ata zańdy qoldaǵan eń belsendi oblystardyń qatarynda tur. Daýys bergen jurtshylyqtyń 92,21 paıyzy jańa Konstıtýsııany qoldady.
«Barshańyzǵa raqmet! Kıeli Túrkistanda memleketimizdiń taǵdyryna beı-jaı qaramaǵan búkil el azamattaryna shynaıy rızashylyǵymdy bildiremin», dedi Memleket basshysy.
Sonymen qatar Prezıdent Jańa Konstıtýsııa, eń aldymen, óskeleń urpaqtyń ıgiligi úshin qabyldanǵanyn atap ótti.
«О́zderińizge málim, men osy aptanyń basynda Qazaqstan Respýblıkasynyń Konstıtýsııasyna jáne Bas qujattyń erejelerin iske asyrý jónindegi sharalar týraly Jarlyqqa qol qoıdym. Endi 1 shildeden bastap Konstıtýsııa óz kúshine enedi. Al Konstıtýsııa kúnin biz bárimiz birtutas halyq bolyp referendým ótkizilgen kúni, ıaǵnı, 15 naýryzda jyl saıyn memlekettik mereke retinde atap ótemiz, toılaımyz.
Jalpyhalyqtyq referendýmda jastarymyzdyń belsendiligi, jańashyldyǵy jáne jaýapkershiligi aıqyn kórindi. Olar Otanyna adal, oıy ozyq, jasampaz azamattar retinde ózderiniń jarqyn keleshegine qatysty tańdaýyn jasady.
Jańa Konstıtýsııa, eń aldymen, óskeleń urpaqtyń ıgiligi úshin qabyldandy, bul jastarǵa arnalǵan qujat desek, qate bolmaıdy. Tórge ozǵan Halyq Konstıtýsııasy jastarǵa jón silteıdi, ómir jolyn kórsetedi. Jańa Ata zań jas urpaqpen birge jasaı beredi», dedi el Prezıdenti.
Aıta keteıik, búgin Memleket basshysy Qasym-Jomart Toqaev Túrkistan oblysyna jumys saparymen baryp, Qoja Ahmet Iаsaýı kesenesine zııarat etti.
