- Bul jarysta elimizdiń namysyn myna balýandar qorǵaıdy: erler – Sherzod Davlatov, Aman Baqytjan (60 kg), Nurqanat Serikbaev (66 kg), Eset Qýanov (73 kg), Abylaıhan Jubanazar, Ádilet Almat (81 kg), Aıdar Arapov (90 kg), Nurlyhan Sharhan, Marat Baıqamurov (100 kg); áıelder – Dıana Búrkeeva (48 kg), Dana Ábdirova, Baqyt Qusaqbaeva (57 kg), Esmıgúl Kýıýlova, Samalaı Erǵalıeva (63 kg), Ajar Ashat (70 kg), Arýna Jangeldına (78 kg), Aqerke Ramazanova, Aıda Toıshybekova (+78 kg).
- Erteń Mysyrdyń astanasy – Kaırde sporttyq gımnastıkadan Álem kýboginiń kezeńdik saıysy bastalady. Bul básekede Narıman Qurbanov, Zeınolla Ydyrysov, Ilııas Ázizov, Asan Sálimov, Altynhan Temirbek baq synaıdy.
- Keshe Brazılııanyń Rıo-de-Janeırosynda semserlesýden jasóspirimder men kadetter arasyndaǵy álem birinshiliginiń shymyldyǵy túrildi. Baıraqty básekede elimizdiń týy astynda 17 noıan óner kórsetip jatyr. Olar – Nurmuhammed Jaılybaı, Erhan Qaraman, Qanaǵat Sherim, Sultan Stanbek, Ádemi Serikbaı, Qaısha Jánibek, Nargız Saıdýllaeva (qylysh, jasóspirimder), Aıbar Qaıym (qylysh, kadetter), Kırıll Prohodov, Nurjan Ábjanov, Narıman Ýálıhan, Janarbek Januzaqov (shpaga, jasóspirimder), Aleksandr Sheshın, Polına Lesovskaıa (shpaga, kadetter), Tımofeı Semenov, Mansur Esteý, Sofııa Aqtaeva (rapıra, jasóspirimder). Jarys 9 sáýirde aıaqtalady.
- 15 jastaǵy Kárim Meńdiqanov Ispanııanyń ataqty «Barselonasymen» kelisimshartqa otyrdy. Negizi ol 2022 jyldan beri sol memlekettiń túrli farm-klýbtarynda oınady. Byltyrǵy maýsymda Kárim Katalonııanyń «Serdanolasynyń» jeıdesin kıdi. Odan keıin «San-Kýgattyń» sapynda boldy. Osy komandalarda órnekti oıynymen kózge túsken qandasymyz aqyry «Barselonaǵa» qabyldandy.
- 4–5 sáýir aralyǵynda Fransııanyń Te qalasynda kórkem gımnastıkadan Gran-prı serııasynyń úshinshi kezeńi ótedi. Jarysta Aıda Hákimjanova, Jasmın Júnisbaeva, Mádına Myrzabaı, Aızere Keńes, Aızere Nurmaǵambetova, Krıstına Chepýlskaıa syndy jerlesterimiz óner kórsetedi.
- Úndistannyń Nagpýr qalasynda ótken ITF W15 týrnırinde tennısshi Jibek Qulambaeva tolaıym tabysqa qol jetkizip, jekelegen saıysta bas júldeni oljalady. Fınalda jergilikti sportshy Sonal Patılǵa 6:1, 6:3 esebimen san soqtyrdy. Onyń aldynda Jibek juptyq básekede de top jarǵan edi.
- Elimizdiń eń úzdik tennısshisi Elena Rybakına bıylǵy jyldyń basynan beri 3 777 292 dollar kóleminde tabys tapqan eken. Onyń basym bóligin, ıaǵnı 2 724 432 dollardy Australian Open týrnırindegi jeńisiniń arqasynda oljalady. Odan bólek, esepshotyna Indian Wells Open dodasynyń fınalyna shyqqany úshin 612 340 dollar, Miami Open jarysynyń jartylaı fınalyna deıin jetkeni úshin 340 190 dollar aýdaryldy.
