Jıynda HIH ǵasyr men HH ǵasyrdyń bastapqy kezeńindegi Qazaqstan tarıhyna arnalǵan besinshi tomnyń qoljazbasy qaraldy.
Redaksııa alqasy músheleriniń usynystary negizinde jańarǵan besinshi tomnyń qurylymy men mazmunyn avtorlar ujymynyń jetekshisi, tarıh ǵylymdarynyń doktory, Sh.Sh.Ýálıhanov atyndaǵy Tarıh jáne etnologııa ınstıtýtynyń dırektory, akademık Zııabek Qabyldınov tanystyrdy.
Redaksııa alqasy besinshi tomnyń qoljazbasyn bekitip, baspaǵa daıyndaý týraly sheshim qabyldady.
Budan keıin akademııalyq basylymnyń keńestik kezeńdegi Qazaqstan tarıhyna arnalǵan altynshy tomynyń qoljazbasy qaraldy.
Atalǵan tomnyń tujyrymdamasyn, qurylymy men mazmunyn avtorlar ujymynyń jetekshisi, tarıh ǵylymdarynyń kandıdaty Kúlǵazıra Baltabaeva tanystyrdy.
Sonymen qatar tarıh ǵylymdarynyń doktory, professor Búrkitbaı Aıaǵannyń, áleýmettaný ǵylymdarynyń doktory, Fılosofııa, saıasattaný jáne dintaný ınstıtýtynyń bas dırektory Aıgúl Sádýaqasovanyń, «Alternatıva» ózekti zertteýler ortalyǵynyń dırektory, saıası ǵylymdar kandıdaty Andreı Chebotarevtyń resen-zııalary tyńdaldy.
Redaksııa alqasynyń músheleri Dıhan Qamzabekuly, Erkin Ábil, Galına Ksenjık, Radık Temirǵalıev, Mámbet Qoıgeldıev, Hankeldi Ábjanov, Kenjehan Matyjanov, Orazaq Smaǵulov, Bereket Káribaev, Jaqsylyq Sábıtov, Aıbolat Kúshkimbaev, Nursan Álimbaı, Aıdos Sarym, Sábıt Shildebaı, Berik Ábdiǵalıuly, Mıhaıl Akýlov, taǵy basqalary óz oı-pikirlerin ortaǵa saldy.
Jıyn sońynda redaksııa alqasy «Qazaqstan tarıhy: ejelgi dáýirden búginge deıin» akademııalyq basylymynyń altynshy tomyn qaraýdy kelesi otyrysta jalǵastyrý jóninde sheshim qabyldady.
