Sýretti túsirgen – Erlan OMAR, «EQ»
Kórme adam janyndaǵy sáýle, ishki tazarý men rýhanı tereńdik taqyrybyn arqaý etedi. Sýretshiler atalǵan uǵymdardy túrli kórkemdik máneri, óz sheberligi men beıneleý tásilderi arqyly kórsetken. Shyǵarmashylyq ustanymdary bólek bolsa da ekspozısııa tutastaı alǵanda jan tynyshtyǵy, úmit, rýhanı tirek jáne adam seziminiń tereń bolmysy jaıyndaǵy ortaq kórkem oıdy úndeıdi.
Mádenı is-sharanyń qatysýshylary men qonaqtaryna Qazaqstan Respýblıkasy Premer-mınıstriniń orynbasary – Mádenıet jáne aqparat mınıstri Aıda Balaevanyń quttyqtaý haty oqyldy. Úkimet basshysynyń orynbasary quttyqtaýynda mundaı jobalardyń mádenı baılanystardy nyǵaıtyp, halyqtar arasyndaǵy rýhanı jaqyndyqty tereńdete túsýdegi erekshe mańyzyn atap ótti.
«Bul kórme – zamanaýı beıneleý óneriniń tańdaýly týyndylaryn toǵystyrǵan, shyǵarmashylyq izdenis pen rýhanı sabaqtastyqty aıshyqtaıtyn taǵylymdy mádenı oqıǵa dep bilemin. Kórmege elimizdiń, sondaı-aq Qyrǵyz Respýblıkasynyń belgili qylqalam sheberleri qatysyp jatyr. «Nur shashý» kórmesi – sýretshilerdiń shyǵarmashylyq jetistikterin tanytatyn alań ǵana emes, sonymen birge mádenıetter toǵysynyń, óner arqyly rýhanı úndesýdiń jarqyn kórinisi», delingen quttyqtaý hatynda.
Kórmege qatysýshy qylqalam sheberleriniń bári derlik keskindeme janrynda eńbek etedi. Sonda da ár sýretshi ortaq taqyrypty ózindik tanym-túısigimen, ózine tán stıldik ereksheligimen ashýǵa tyrysqan. Ekspozısııada portret pen peızaj, abstraksııa elementteri men ishki úılesimge qurylǵan kórkem izdenister tabıǵı sabaqtastyq tapqan.
Kórme 11 mamyrǵa deıin jalǵasady.
