Qytaı Kaspıı teńiziniń ústinen kópir salmaqshy

ASTANA. 15 tamyz. Qytaı mamandary qazir Kaspıı teńiziniń ústinen Qazaqstan men Ázerbaıjannyń arasyn jalǵaıtyn uzyn kópir qurylysynyń búge-shigesin taldap jatyr. Bul týraly ras.kz habarlady. Uzyndyǵy men bıiktigi jaǵynan orasan zor qurylys jaqyn arada bastalyp ketýi múmkin. Ol jaıynda «Almaty» telearnasynyń «Iskerlik ýaqyt» baǵdarlamasynda aıtyldy. Biraq barlyq jaı-japsary tolyq baıandalǵan joq. Habarlanǵandaı, qazirgi kúnderi Qytaıda Eýropaǵa qurǵaqtaǵy dálizben jetkiziletin júk tasqynynyń kólemi teńiz jolyna qaraǵanda, 100 ese az bolyp otyr. Tipti Reseıdiń ózine Shyń eliniń taýarlary Fınlıandııa arqyly teńiz jolymen ákelinedi. Al Qytaı logıstıkadaǵy negizgi ınvestısııasyn «Bırma dálizine» joldap keledi. Onyń mólsheri «Jibek jolyna» salynatyn qarajattan shamamen 100 esedeı kóp. Endi atalyp otyrǵan kópir osy olqylyqtyń ornyn tolyqtyrýǵa qyzmet etýi tıis. Talǵat Raıymbek. Derek, sýret: ras.kz.