Fransııada musylman-oqýshylar shoshqa etin jeýge mindetti boldy

ASTANA. 15 tamyz. Fransııa soty mektepterde oqıtyn musylman balalarynyń shoshqa etin jeýlerin mindetti etken qaýly qabyldady. Bul týraly IslamNews saıtyna silteme jasaǵan ras.kz habarlady. «Fransýz musylmandarynyń lıderleri sottyń memlekettik mektepterde oqýshylardyń tamaqtanýlary turǵysyndaǵy kóp jyldyq saıasatynyń joıylýyna bastaıtyn qaýly qabyldaýyn aıyptady. Shamasy, endi olardyń túski az kezinde dońyz eti ornyna ózderi qalaıtyn basqa et túrlerin aýystyryp alý múmkindikteri kelmeske ketken sııaqty», – delingen habarlamada. Musylman dini fransýz keńesiniń jetekshisi Abdýlla Zekrı sottyń sársenbi kúni Dıjon qalasyndaǵy mekteptegi oqýshylardy tamaqtandyrýǵa qatysty qabyldaǵan qaýlysyna oraı qatty alańdaýshylyq bildirdi. Musylman qaýymdastyǵynyń zańgerleri qazir sondaı-aq, Shalon-sıýr-son qalasy meriniń mektepterde ashanalarda mázirdegi dońyz etin almastyryp alý múmkindigin joıǵan dırektıvasyn qaıtartyp alý úshin kúresip jatyr. Mer-konservator Jıl Platre sottyń joǵaryda atalǵan qaýlysyn «Fransııadaǵy sekýlıarızmniń jeńýi» dep baǵalady. Al Abdýlla Zekrı óz kezeginde mundaı sheshimderdiń oqýshylar arasyndaǵy qarym-qatynasqa jik salatyn arandatýshylyq áreket dep atap kórsetti. Talǵat Raıymbek. Derek, sýret: ras.kz.