ASTANA. 17 tamyz. Búgin Qazaqstan Respýblıkasy Qorǵanys mınıstrliginiń qurmetti qaraýyl rotasy 3 qyrkúıekte Qytaıdyń Beıjiń qalasynda ótetin Ekinshi Dúnıejúzilik soǵystaǵy jeńistiń 70 jyldyǵyna arnalǵan áskerı paradqa qatysýǵa attandy. Bul týraly egemen.kz tilshisi habarlady.
Osyǵan baılanysty jaqynda mınıstrliktiń qurmetti qaraýyl rotasynyń qorytyndy saptyq baıqaýy ótti.
Alańda 68665 áskerı bóliminen 100-den astam áskerı qyzmetshi komandırimen shyǵyp, sapqa turdy. «Áskerı qyzmetshiniń saptyq adymy óz eliniń jáne armııanyń qýattyn,beriktigi men maqtanyshyn kórsete alýy tıis», dep túsindirdi óz jaýyngerlerine kapıtan Maqsat Baıjigitov.
Aldaǵy paradqa áskerı qyzmetshiler birneshe kún daıyndaldy, sondyqtan qazir olar 100 paıyzǵa daıyn. Olar Beıjiń qalasyna attanyp, kytaılyq áskerı qyzmetshilermen birlesken jattyǵýlarǵa kirisedi.
Qorǵanys mınıstrligi qurmetti qaraýyl rotasynyń qataryna qazaqstandyq armııanyń betke ustar áskerı qyzmetshileri iriktelip alyndy. Elimizdiń Qarýly Kúshterin olar birinshi tanystyryp otyrǵan joq. 2002 jyly qurylǵan rota respýblıkalyq deńgeıdegi, halyqaralyq aýqymdaǵy barlyq saltanatty jáne merekelik is-sharalarǵa qatysyp keledi. Sonymen qatar Qazaqstan Respýblıkasy Perzıdentiniń ınaýgýrasııasyna, «KADEX» kórmesine, Astanadaǵy áskerı sherýge, 2010 jyly Máskeýde ótken áskerı paradqa qatysqan.
Dastan Kenjalın.
Derek, sýret: Qazaqstan Respýbıkasy Qorǵanys mınıstrligi.
