QOSTANAI. 17 tamyz. Qostanaıǵa Japonııanyń Qazaqstandaǵy Tótenshe jáne О́kiletti elshisi Kamohara Masaesı keldi. Mártebeli meıman saparynyń basty maqsaty – «Shóp tamyry» baǵdarlamasy jobasyn aıaqtaý bolypty. Bul týraly egemen.kz tilshisi habarlady.
«Shóp tamyry» baǵdarlamasy boıynsha oblystyq SPID-tiń aldyn alý jáne kúres ortalyǵy bıyl test júıesiniń 4 shyǵarylymymen ımmýnofermentıik analızator quralyn jáne ÝZI-skaner alǵan bolatyn. Ortalyqtyń bas dárigeri janna Tútenovanyń aıtýynsha, ımmýndyq tapshylyqqa qarsy tekserilý úshin, ásirese, ekiqabat áıeelderge kópshilik kezek kútpeı-aq tikeleı SPID ortalyqqa kelip, tekserilýge bolady. Al ÝZI-skaner Qazqstannyń soltústik óńirinde tek Qostanaıda ǵana bar.
Oblys ákimi Nuraly Sádýaqasov elshimen birge jańa jabdyqty qarady. Immýndyq analızatorodyń jańa urpaǵy adamnyń ımmýntapshylyq aýrýyn juqqyzǵanyn burynǵydaı úsh aıdan asa ýaqytta emes, bar-joǵy 5 kúnde anyqtap beredi. Japon eliniń «Shóp tamyry» baǵdarlamasy álemniń 141 elinde jumys isteıdi. Qazaqstanǵa kelgenine 18 jyl boldy. Osy jyldar ishinde 5 mıllıon dollar turatyn 75 joba júzege asyrylǵan. Alaıda sonyń 4 jobasy ǵana Qostanaıǵa tıesili bolypty.
Názıra Járimbetova.
Derek, sýret: egemen.kz
