Sheshimin kútken sharýa kóp

Qazaq eli óziniń damý jolynda taǵy bir bıikti baǵyndyrdy. Jıyrma jylǵa jýyq ýaqyt ara­lyǵyndaǵy eren eńbek eskerýsiz ketpeı Dúnıejúzilik saýda uıy­mynyń múshesi atandy. Elbasy Nursultan Nazarbaevtyń: «Búgin­de saýda-sattyǵymyz­dyń 90 paıyzy Dúnıejúzilik saýda uıy­myna múshe elderge tıesili. Qazaq­stan sheteldik ınvestorlar men serik­tester úshin burynǵydan da tartym­dy bola túsedi. Jańa óndiris­ter men jumys oryndaryn ashýǵa múmkindikter týady. Biz bul nátıjege jetý úshin 19 jyl tabandy túrde jumys júrgizdik, kelissózder ońaı bolǵan joq. Osy jyldary bizdiń Úki­met jáne sarapshylarymyz eli­mizge tıimdi sharttarǵa qol jet­kizý úshin talmaı eńbek etti. Biz Dúnıe­júzilik saýda uıymy men Eýra­zııalyq ekono­mıkalyq odaq­tyń talaptaryn ush­tastyra aldyq. Bul rette ult­tyq múddelerimizdi de qor­ǵaı bildik. DSU-ǵa múshe bolý – kúlli Qa­zaq­stannyń je­ńisi. Bul – elimiz­diń jahandyq ekono­mı­kanyń bólin­bes bólshegi retinde mo­ıyn­dalýynyń aıǵaǵy. Uıym múshe­ligine 5 halyqtyq reformany iske asyrýǵa kirisken kezeńde qa­dam basýymyzdyń sımvoldyq máni bar», – dep atap ótýi bul qa­dam­­­nyń Qazaqstan úshin qansha­lyq­­ty ma­ńyzdy ekendigin kórsetip tur. Atalǵan uıymǵa múshe bolý arqyly elimiz ekonomıkalyq erkindikke qol jetkizetini anyq. Iаǵnı, halyqaralyq saýda-sattyq­tyń irkilissiz júrgizilýine septigin tıgizý úshin qurylǵan uıymnyń basty qaǵıdatyna sáıkes álemdik saýda júıesi 5 ustanym aıasynda óristeýi tıis. Iаǵnı, eń birinshiden, saýdada kemsitýshilikke jol berilmeıdi. Demek, kez kelgen memleket kelesi memlekettiń eksporty men ımportyna shekteý qoıýǵa quqy joq. Ekinshiden, uıymǵa múshe memleketterde saýda kedergileri, ıaǵnı ekinshi elden keletin ımportqa qoıylatyn kólemdik shekteýi bolmaýy tıis. Úshinshiden, sheteldik kompanııalar, ınvestorlar men úkimetter qoldanystaǵy saý­da sharttarynyń kenetten jáne bir taraptyń erkimen ózger­til­meıtinine kepildik berýi shart. Tórtinshiden, halyqaralyq saý­dadaǵy básekelestikti yntalandyrýy qajet. Al sońǵysy joǵary damymaǵan memleketter úshin halyqaralyq saýdada jeńildikter jasaý kerek. Dúnıejúzilik saýda uıymy­na múshe bolý otandyq kásip­kerlerdiń básekege qabilettiligin qajet ete­tindigi de daýsyz. Bul turǵyda atqarylar jumys aýqym­dy. Aýqymdy jumysty eńserýde Kásipkerler palatasyna artylatyn jaýapkershilik júgi de jeńil emes ekendigi belgili. Jasyratyny joq, búgingi tańda kásipkerlik salasynda sheshimin kútken sharýa kóp. Ol sharýalardyń qatary DSU-ǵa múshe bolý arqyly artpasa azaımasy anyq. Kúndelikti jumys barysynda biz mundaı problemalarmen jıi ushyrasýdamyz. Al ol problemalardy sheshý joldaryn qazir qarastyrmasaq onda el ekonomıkasynyń damýyna úlken tejeý jasaıtynymyz sózsiz. Jalpy, kásipkerlerdiń qu­qyn qorǵaý, olardyń múddesin bildirý tek kásipkerler palata­syna ǵana tıisti is bolyp qalmaý kerek. Baqýatty da baı memleketke aınalǵymyz kelse bul má­selemen birlese kúresken abzal. Qarlyǵash ARALBEKOVA, Jambyl oblysy kásipkerler palatasynyń dırektory. Jambyl oblysy.