ASTANA. 27 aqpan. Qyzylorda oblysy Qazaly qalasynda Qazaqstan halqy Assambleıasynyń 20 jyldyǵyna oraı «Tatýlyq, dostyq – birlikte» atty ózge ult ókilderimen kezdesý ótti. Bul týraly egemen.kz tilshisi habarlady.
Qazaly mýzeıiniń májilis zalynda ótken sharaǵa jergilikti ákimshilik qyzmetkerlerimen qatar qalada turatyn orys, ózbek, tatar, nemis, belarýs jáne koreı ultynyń ókilderi qatysty. Jıyn barysynda qonaqtar Assambleıanyń oń jumysyn tilge tıek etip, óz pikirlerin ortaǵa saldy. Shara sońynda murajaıdy aralaǵan qonaqtar ártúrli ult ókilderiniń mádenıetimen tanysty.
Sonymen qatar, Qazaqstan halqy Assambleıasynyń 20 jyldyǵyna baılanysty murajaı qorynda saqtalǵan ózge ult ókilderiniń mádenıetin dáripteıtin turmystyq buıymdardyń jáne arnaıy tigilgen ulttyq kıimderdiń kórmesi uıymdastyryldy.
Elaman Qońyr.
Derek, sýret: egemen.kz.
