Jeke qasıetter men kásibı daǵdylar

jańa úlgidegi tártip saqshylaryn qalyptastyrýdyń basty ólshemi Memleket basshysy Nursul­tan Nazarbaev bes ınstıtýttyq re­formany júzege asyrý jónindegi 100 naqty qadamdy atap kórsetti. Bul bastama ekonomıka, bilim berý, densaýlyq saqtaý, memlekettik qyzmet, sot júıesi sııaqty qoǵamdyq ómirdiń barlyq salalaryn qamtıtyn bolady. Onyń barysynda Prezıdent kásibı memlekettik apparat qurýǵa erekshe kóńil bóldi. О́ıtkeni, sybaılas jemqorlyqqa jol bermeı, sapaly memlekettik qyzmet kórsetý arqyly ǵana elimiz ilgeri damyp, quqyqtyq sıpatqa ıe bola alady. Quqyqtyq memleket uzaq ýaqyt tarıhı damý úrdisinde qurylady. Zań ústemdigi quqyqtyq memlekettiń alǵashqy kórsetkishi bolyp tabylady, qoǵamdyq ómirde onyń ústemdigi zań arqyly retteledi. Bes ınstıtýttyq reformany iske asyrýda zań ústemdigin qamtamasyz etý mańyzdy baǵyt bolyp esepteledi. Qazaqstan Respýblıkasynyń Prezıdenti qazaqstandyq memlekettilikti nyǵaıtýdaǵy osy baǵytty kezeń-kezeńmen iske asyrýdyń naqty mindetin qoıdy. Quqyq qorǵaý organdarynyń aldynda barlyq memlekettik organdarmen qatar damyǵan 30 memlekettiń qataryna ený boıynsha Ult josparyn qamtamasyz etý talaby tur. Zań ústemdigin iske asyrý kezinde biz polısııa qyzmetkerlerin irikteý júıesin jaqsartýǵa min­det­timiz. Jeke qasıetteri men kásibı daǵ­dylary – jańa úlgidegi polıseıdi qalyptastyrýdyń basty ólshemi. Memlekettik qyzmettiń arnaıy túrindegi polısııa qyzmetiniń ıdealy retinde biz jastardy mektep tabaldyryǵynan bastap daıyndaýymyz kerek. Bul rette Soltústik Qazaqstan oblysynyń ishki ister departamenti birq­a­tar sharalar qabyldaýda. Depar­tament murajaıynda «ashyq esik kúnderin» ótkizip, polısııa bólinisterine mektep oqýshylaryna ekskýrsııa jasatý arqyly olar­dyń qyzyǵýshylyǵyn oıatamyz. Mektep oqýshylary bizdiń jumysymyzdy óz kózderimen kóre alady. Sanaly túrde bizdiń maman­dyǵymyzdy tańdaǵan joǵary synyp oqýshylaryna nazar aýda­rylady. Polısııa ofıseriniń man­saby men ómiri ózin ishteı baǵyt­taýy, qıynshylyqtarǵa daıyn­­dyǵyna baılanys­ty. IIM maman­dandyrylǵan oqý mekemelerine túsip, sonda turý álsiz balalarǵa qıyn bolady. Sondyqtan, biz QR IIM tártiptemesiniń talap­ta­ryn qatań saqtap, attestattary jaqsy jáne sportta kórset­kishteri bar túlekterdi jiberýge tyry­samyz. Bıyl 70-ten astam jas mamandy jumysqa qabylda­dyq, kópshiligi QR IIM oqý mekeme­le­riniń túlekteri. Olardyń beıim­delýi bizdiń baqylaýymyzda. Árqaı­sysyna alǵashqy buıryqtan bastap tájirıbeli tálimgerlerdi bekitemiz. Alǵashqy qyzmet jyldary qıyn bolary anyq. Teorııadan ómir tájirıbesine aýysý úrdisi, tózimdilik, psıhologııalyq turaq­tylyq, óz betinshe jeke sheshim qa­byldaý sııaqty synaqtarǵa tal­maı úıretemiz. Buǵan tıimdi turmys­tyq jaǵdaılardy qossaq, bul óz kezeginde jas ofıserdiń qalyp­tasýyna oń áserin tıgizeri sózsiz. Dál osy kezde tálimgerdiń, tájirıbeli áriptestiń sapaly da salmaqty kómegi qajet. Jedel qyzmettik tapsyrmalardy birlese atqarý, qyzmet ózgeshelikterin túsindirý, qylmyskermen betpe-bet kelýge daıyndaý, qoǵamdyq is-sharalardy ótkizýge jas qyz­metkerlerdi tartý – bul tálim­gerlermen júrgiziletin keshendi is-sharalardyń bir bóligi ǵana. О́tkiziletin jas qyzmetkerler sletinde jyl saıyn jas býyn úzdikterin ǵana marapattap qoımaı, qyzmetin adal atqarǵan tálim­gerlerdi de atap ótemiz. Ishki ister departamenti basshy­lyǵy jas qyzmetkerlerdiń daıyn­dyq deńgeıin arttyrý úshin qoǵam­dyq mańyzdy, patrıottyq, ǵylymı-praktıkalyq is-sharalar ótkizýdi basty baǵdar etken. Jańa qylmystyq zańnamaǵa kóshýge baılanysty ótken jyly jeltoqsanda jáne aǵymdaǵy jyly sáýirde jańa zańnamany ázirlegen bedeldi ǵalym-zańgerlerdiń, Qazaqstannyń belgili zańgerleri Isıdora Borchashvılı, Marat Qoǵamov, Aıdarhan Sqaqov, Marat Báshimovterdiń jáne Bas prokýratýra ókilderiniń qatysýymen eki ret semınar ótkizildi. Bul ǵylymı-praktıkalyq is-sharalar polısııa qyzmetkerleriniń kásibılikterin arttyrýǵa septigin tıgizdi. Jyl saıyn departamentte jas qyzmetkerler sleti ótkizilip turady. Osy jolǵy slette qala ákimi Marat Tasmaǵambetov ishki ister qyzmetkerlerine páter kilt­terin tabystady. Sondaı-aq, gramotalarmen, alǵys hattarmen marapattaldy. Jas qyzmetkerlerdi tárbıeleý úderisi jan-jaqty bolýy qajet: basshylyq tarapynan da, ata-analary tarapynan da. Bala kezinde sanasyna sińirgen qadir-qasıet, ar-namys sııaqty túsinikter bizdiń qyzmette aýadaı qajet. Kásibı biliktilik pen tájirıbe jınap, ósýdiń satysynan ótýlerine barlyq jaǵdaı qarastyrylǵan. Soltústikqazaqstandyq polıseılermen daıyndalǵan qaıy­rymdylyq konsertteri ishki ister organdary qyzmetkerleriniń patrıottyq jáne adamgershilik tárbıesine zor úles qosyp keledi. Jeńistiń 70 jyldyǵyna arnalǵan negizgi is-sharanyń biri – Keńes Odaǵynyń Batyry, ishki ister organdarynyń ardageri Fılıpp Chıjıkovke arnalyp, onyń týǵan jeri Qyzyljar aýdany Berezovka selosynda eskertkish ashyldy. Maıdangerdiń ómiri, erligi men erjúrektigi ofıserler quramyna úlgi etildi. Elbasynyń «100 naqty qadam» baǵdarlamasynda memlekettik organdar janynda qoǵamdyq keńester quryp, memlekettik qyz­mettiń ashyqtyǵyn, qoǵam ókilderin memlekettik organ­dardyń jumysyna aralastyrý maqsaty qoıyldy. Iаǵnı, zań qabyldaý arqyly qoǵamdyq keńesterdiń jumysyn keńeıtý kózdelgen. Osy oraıda, ishki ister departamenti janynan qurylǵan qoǵamdyq keńes jumysynyń aýqy­myn keńeıte túspek. Ony qala­lyq máslıhattyń depýtaty Jas­ulan Ahmetov basqarady. Olar­dyń qatysýymen azamattardy qabyl­daýdan bastap apparattyq jáne jedel jınalystarǵa deıin ashyq­tyq qamtamasyz etiledi. Tár­tip­tik keńestiń otyrystary da beı­ne­selektor rejiminde ótedi. Mu­nyń ózi basshylyq býynǵa deıin tár­tipti qataıtýǵa múmkindik beredi. Polısııanyń halyq aldynda ashyqtyǵyn qamtamasyz etetin taǵy bir shara – azamattarmen jeke qabyldaýlar uıymdastyrý, jergilikti jerlerde esep berý jıyndaryn ótkizý bolyp tabylady. Tolǵaqty máselelerdi birlesip talqylaý arqyly eldi mekender turǵyndarynyń muń-muqtajdaryn sheshý joldaryn da tynbaı qarastyryp kelemiz. Ýchaskelik ınspektorlardan da osy jumys ádisi qatań talap etiledi. Zańnyń múltiksiz oryndalýyn qamtamasyz etý memleketimizdiń quqyq qorǵaý júıesindegi reformalaý barysynda júzege asyrylatyn basty mindet bolyp qala beredi. Berik BILÁLOV, Soltústik Qazaqstan oblystyq ishki ister departamentiniń basshysy, polısııa general-maıory. PETROPAVL.